លោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការដ្ឋាននគរបាលជាតិ បានប្រាប់រស្មីកម្ពុជា កាលពីថ្ងៃទី២៥ ខែសីហា នេះថា លទ្ធផលរឹតបន្តឹងការអនុវត្តច្បាប់ចរាចរណ៍ផ្លូវគោក តាមស្មារតីអនុក្រឹត្យលេខ៣៩ រយៈពេល ១១៧ថ្ងៃ គិតចាប់ពីថ្ងៃទី១ ខែឧសភា ដល់ថ្ងៃទី២៥ ខែសីហា យានយន្តដែលត្រូវបានត្រួតពិនិត្យ និងផាកពិន័យ សរុបចំនួន ១៤៩.១៨៨គ្រឿង ក្នុងនោះម៉ូតូមានចំនួន ១១០ ៥៨៩គ្រឿង និងរថយន្តមានចំនួន ៣៨ ៥៩៩គ្រឿង (រថយន្តតូច ៣៣ ២៩៨គ្រឿង និងរថយន្តធំ ៥ ៣០១គ្រឿង)។

លោកឧត្តមសេនីយ៍ឯក បញ្ជាក់ថា បទល្មើសភាគច្រើនសម្រាប់ម៉ូតូ និងរថយន្ត គឺអត់ពាក់មួកសុវត្ថិភាព ល្មើសសញ្ញា បត់ជែង លើសចំណុះ ស្រវឹង អត់ផ្លាកលេខ ល្មើសល្បឿន អត់ប័ណ្ណបើកបរ អត់ខ្សែក្រវាត់ គ្មានស្លាកលេខ និងនិយាយទូរស័ព្ទពេលបើកបរ៕

ប្រភព៖ rasmeinews