កីឡដ្ឋាន១នៅអាស៊ាន នឹងដំឡើង VAR ក្នុងពានរង្វាន់ AFC Champions League

2020-08-27 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រព័ន្ធបច្ចេកវិទ្យា VAR ដែលមាននាទីជា អាជ្ញាកណ្ដាលវីដេអូក្នុងការប្រកួត នឹងត្រូវរៀបចំតំឡើងដាក់ក្នុងពហុកីឡដ្ឋានជាតិ Bukit Jalil ស្ថិតនៅក្នុងទីក្រុងកូឡាឡាំពួរ ប្រទេសម៉ាឡេស៊ី ដើម្បីដំណើរ ពានរង្វាន់ AFC Champion League ឆ្នាំ ២០២០ ដែលម៉ាឡេស៊ី ជាម្ចាស់ផ្ទះ។

យោងតាមប្រភពព័ត៌មានបានរំលេចឲ្យដឹងថា ប្រព័ន្ធបច្ចេកវិទ្យាក្នុងក្របខ័ណ្ឌ AFC នេះ អាចប្រើប្រាស់ចាប់ពីវគ្គ ៨ ក្រុមឡើងទៅដល់វគ្គផ្ដាច់ព្រ័ត្រប៉ុណ្ណោះ។ ប្រការនេះក៏បានធ្វើឲ្យ VAR មានមុខលើកទី ៣ក្នុងក្របខ័ណ្ឌ AFC បន្ទាប់ពីព្រឹត្តិការណ៍ Asian Cup ឆ្នាំ ២០១៩ និង AFC U23 Championship ២០២០ ។

ដំណើររបស់វា នឹងជាជំនួយការដើម្បីសម្រេចទៅលើសកម្មភាពដូចជា គ្រាប់បាល់ចូលទី ឬអត់, កំហុសមុខតំបន់គ្រោះថ្នាក់ ឬ កំហុសក្រៅប្រអប់បង្ករហូតដល់បានកាតក្រហម និងកំហុសអចេតនាផ្សេងៗទៀតរបស់កីឡាករ។

ជម្រាបជូនដែរថា ពហុកីឡដ្ឋានជាតិ Bukit Jalil ខាងលើនេះ អាចផ្ទុកអ្នកទស្សនាបានដល់ទៅ ១០ មុឺននាក់ បានជាប់ជា កីឡដ្ឋានធំជាងគេបំផុតប្រចាំតំបន់អាស៊ាន៕