ជនជាតិកូរ៉េ ៤នាក់ បានស្លាប់ បន្ទាប់ពីរថយន្តពួកគេ បាន​បុកជាមួយនឹង​រថពាសដែក​អាមេរិក កាលពីយប់ថ្ងៃទី៣០ ខែសីហា នៅភាគខាងជើង​ក្រុងសេអ៊ូល។ ទាហាន​អាមេរិកម្នាក់ ក៏បានរងរបួសស្រាលផងដែរ។

ជនរងគ្រោះ​ដែល​ជាប្តីប្រពន្ធពីរគូ បាន​ជួបគ្រោះថ្នាក់ចរាចរណ៍នេះ ក្នុងអំឡុងពួកគេជិះរថយន្ត​សំដៅទៅផ្ទះ។ ចំណែក​ទាហានអាមេរិកវិញ គឺបានបើករថក្រោះនេះ សំដៅទៅមូលដ្ឋានវិញ​ក្នុងក្រុង Cheorwon បន្ទាប់ពីធ្វើសមយុទ្ធរួច។ យ៉ាងណាមិញ ប៉ូលិស​អះអាងថា ផ្លូវនេះ​គឺតែងមានគ្រោះថ្នាក់ចរាចរណ៍​ ដែលបង្កឡើងដោយ​រថក្រោះអាមេរិក។

រថយន្តប្រភេទ SUV ដែល​ជួបហេតុការណ៍នេះ បានរងការខូចខាតអស់ស្ទើរតែមើលមិនស្គាល់ទៅហើយ ចំណែក​ឯ​រថក្រោះគឺខូចច្រវ៉ាក់។ ប៉ូលិស​កំពុងស៊ើបអង្កេត​រកមូលហេតុដែលបង្កឱ្យមានគ្រោះថ្នាក់ចរាចរណ៍នេះហើយ៕