លោក ប៉េង ឈុន ម្ចាស់ភោជនីយដ្ឋាន​ស្មៅទន្លេ ក្នុងក្រុងកំពង់ចាម ខេត្តកំពង់ចាម បាន​បង្ហាញ​រូបប្រាសាទថ្មី (ទម្រង់រូបក្លោងទ្វារឋានសួគ៌ នៅកោះបាលី​ ឥណ្ឌូណេស៊ី) នៅលើទំព័រហ្វេសប៊ុករបស់ខ្លួន បន្ទាប់ពី​មន្ទីរ​វប្បធម៌ និង​វិចិត្រសិល្បៈខេត្ត​ ស្នើឱ្យរុះរើរូបសិប្បនិមិ្មតតួប៉ម​ប្រាសាទនគរបាជ័យ​ដែល​បានដាក់តាំងនៅភោជនីយដ្ឋាន​នេះ​ចេញវិញ ក្នុងរយៈពេល ៣ថ្ងៃ។

មន្ទីរ​វប្បធម៌ខេត្ត​បានលើកឡើង​តាមរយៈលិខិត​កាលពីថ្ងៃទី១កញ្ញាថា រូបនេះ គឺមាន​សណ្ឋាន​ខុសនឹង​ទម្រង់ទ្រង់ទ្រាយដើម រចនាបថខ្មែរ ដោយ​យកគំរូតួប៉ម​ប្រាសាទនគរបាជ័យ មកពុះញែកចេញជាពីរចំណែក៕