លោក ស៊ី ជិនពីង អួតពីគុណសម្បត្តិរបបសង្គមនិយមចិន ដែលប្រយុទ្ធឈ្នះកូវីដ
- 2020-09-09 02:49:35
- ចំនួនមតិ 0 | ចំនួនចែករំលែក 0
លោក ស៊ី ជិនពីង អួតពីគុណសម្បត្តិរបបសង្គមនិយមចិន ដែលប្រយុទ្ធឈ្នះកូវីដ
ចន្លោះមិនឃើញ
ប្រធានាធិបតីចិន លោក ស៊ី ជិនពីង បានអះអាងថា ភាពជោគជ័យនៃការប្រយុទ្ធនឹងជំងឺកូវីដ១៩ បានស្តែងឱ្យឃើញថា របបសង្គមនិយម ដែលត្រូវជាមួយចរិកលក្ខណៈជនជាតិចិន គឺបានផ្តល់នូវការធានាយ៉ាងសំខាន់ថា ចិនអាចទប់ស្កាត់ហានិភ័យ បញ្ហាប្រឈមនានា និងបង្កើនប្រសិទ្ធភាពអភិបាលកិច្ច។ ការថ្លែងនេះ ធ្វើឡើងក្នុងពិធីជួបជុំជាមួយក្រុមអ្នកប្រយុទ្ធកូវីដ១៩ ជួរមុខ នៅក្រុងប៉េកាំង កាលពីថ្ងៃទី៨ ខែកញ្ញា ឆ្នាំ២០២០។
លោកបញ្ជាក់ថា ក្នុងការប្រយុទ្ធប្រឆាំងនឹងជំងឺកូវីដ១៩នេះ ប្រជាជន និងជាតិចិន បានបង្ហាញពីស្មារតីប្រយុទ្ធដ៏ខ្លាំងក្លា គិតគូរពីអាយុជីវិតជាចម្បង សាមគី្គភាព គោរពជឿជាក់លើវិទ្យាសាស្រ្ត និងកសាងការរួបរួមគ្នាជាធ្លុងមួយ ដើម្បីសម្រេចជ័យជម្នះចុងក្រោយ។
លោក ស៊ី ជិនពីង លើកឡើងទៀត ការប្រយុទ្ធនេះ ក៏បង្ហាញពីភាពដឹកនាំខ្លាំងរបស់បក្សកុម្មុយនិស្តចិន ពោលគឺនេះជាឆ្អឹងខ្នងដែលអាចជឿជាក់បំផុតសម្រាប់ប្រជាជនចិន ក្នុងអំឡុងការប្រឈមនានា។
គិតត្រឹមព្រឹកថ្ងៃទី៩ ខែកញ្ញា ឆ្នាំ២០២០ ចិន មានករណីឆ្លងកូវីដ១៩សរុប ៨៥ ១៤៦នាក់ ក្នុងនោះស្លាប់ ៤៦៣៤នាក់ និងជាសះស្បើយ ៨០ ៣៤៧នាក់៕