ឃើញវីដេអូខ្លីយ៉ាងកម្រ ទើបដឹងពីជីវិតខ្លះៗរបស់ Vannda កាលនៅជាយុវជនរស់នៅខេត្តព្រះសីហនុ

2020-09-15 04:02:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

វីដេអូខ្លី និងយ៉ាងកម្រមួយបានលាតត្រដាងពីជីវភាពរបស់តារាចម្រៀងរ៉េបដ៏ពេញនិយម Vannda កាលពីរូបគេនៅជាយុវជនម្នាក់នៅខេត្តព្រះសីហនុ វេលាដែលរូបគេពុំមានអាជីពអ្វីពិតប្រាកដសោះ ក្រៅពីជួយកិច្ចការងារខ្លះរបស់ឪពុកម្ដាយ។

នេះជាវីដេអូប្រវត្តិខ្លីរបស់ម្ចាស់បទ "Move On” ដ៏ពេញនិយមនាពេលបច្ចុប្បន្នក្នុងចង្កោមយុវវ័យ ដែលស្ថិតក្នុងយុទ្ធនាការមួយហៅថា “BrewedOverNights” ទើបនឹងចេញផ្លូវការនៅលើបណ្ដាញសង្គមថ្ងៃនេះប៉ុណ្ណោះ។ នេះ គឺជាសារខ្លីបញ្ជាក់ថា ដើម្បីជោគជ័យលើអ្វីមួយ គឺមែនជារឿងដែលកើតឡើងក្នុងពេល១យប់នោះទេ ប៉ុន្តែវាត្រូវការពេលវែងឆ្ងាយ និងការជម្នះឧបសគ្គច្រើនណាស់ ដូចគ្នានឹងដំណើរជីវិតរបស់ Vannda ហើយរឹតតែដូច Budweiser ដែលជាអធិរាជនៃស្រាបៀ (King Of Beers) ដែលបានចំណាយពេលផលិតយូរ ដើម្បីរសជាតិកាន់តែស្រទន់។

ដូច្នេះហើយ ទើបវីដេអូខាងលើកើតឡើង ដើម្បីលើកទឹកចិត្តចំពោះការតស៊ូរបស់យុវជនទាំងឡាយ បន្តសម្រេចក្តីសុបិនរបស់ខ្លួង ហើយចាប់យកគ្រប់ឱកាស និងបញ្ចេញអធិរាជនៅក្នុងខ្លួន (#BeAKing) ដោយការគាំទ្រពី Budweiser ។

តាមរយៈវីដេអូខ្លីនេះ Vannda កាលនៅខេត្តព្រះសីហនុ គឺជាកូនប្រុសក្នុងគ្រួសារអ្នករកស៊ីតូចតាចម្នាក់ប៉ុណ្ណោះ។ រាល់ថ្ងៃក្រៅពីជួយកិច្ចការងារស្រាលៗរបស់ឪពុកម្ដាយ ដូចជាកោសដូង ជញ្ជូនឥវ៉ាន់ បែកញើសធំក្លិនខ្លួនមិនល្អ រូបគេមិនមានធ្វើអ្វីឡើយ។

ប៉ុន្តែក្នុងកាលៈទេសៈដែលលំបាកនេះ អ្វីមួយក៏លេចឡើងត្រដែតនៅក្នុងគំនិតរបស់គេ នោះគឺ "តន្ត្រី"។ តាមពិត "តន្ត្រី" គឺជាអ្វីមួយដែលមានរួចស្រេចនៅក្នុងខ្លួនរបស់យុវជនមានល្អិត តែសំឡេងធំ ចិត្តក៏ធំរូបនេះតាំងពីកុមារភាព ប៉ុន្តែនោះប្រៀបដូចជាអ្វីមួយដែលដេកលក់រង់ចាំថ្ងៃភ្ញាក់។ រហូតដល់វេលាមួយ វា(តន្ត្រី)ក៏ភ្ញាក់ឡើងពិតមែន ហើយជាពេលដែលយុវជនរូបនេះដឹងថា នេះហើយ គឺជារូបគេពិតប្រាកដ។

Vannda បញ្ជាក់ថា "តន្ត្រី" បានបង្កើតក្ដីសង្ឃឹម សុបិនដ៏វែងឆ្ងាយ វាបាននាំរូបគេឲ្យមកផ្សងព្រេងនៅទីក្រុងយ៉ាងល្ហល្ហេវ ហើយចុងក្រោយ "តន្ត្រី" នេះ វាក៏បានផ្ដល់អ្វីៗទាំងអស់មកឲ្យរូបគេនាពេលបច្ចុប្បន្ន គឺ Vannada តារាចម្រៀងរ៉េបដ៏ល្បីរបស់កម្ពុជា ដែលមានការទទួលស្គាល់ទាំងនៅក្នុងស្រុក និងអន្តរជាតិ។ រាល់បទចម្រៀងរបស់លោក ពិសេសបទក្នុងអាល់ប៊ុម "Skull” ទទួលបានការគាំទ្រខ្លាំងបំផុត។

បទរបស់លោក ត្រូវបាន Youtuber ក្នុងស្រុក និងបរទេសមានទាំងអាស៊ី អាមេរិក និងអឺរ៉ុបយកទៅធ្វើ Reaction ជាច្រើន ធ្វើឲ្យកេរ្តិ៍ឈ្មោះរបស់គេ កាន់តែលេចធ្លោឡើង។ "ខ្ញុំមិនដែលគិតទាល់តែសោះថា តន្ត្រីវាអាចជូនដំណើរខ្ញុំឲ្យមកដល់ចំណុចនេះ" Vannda ថ្លែង។

និយាយពីស្រាបៀ Budweiser ដែលឧបត្ថម្ភបង្កើតវីដេអូខ្លីរបស់តារាចម្រៀងម្ដង ស្រាបៀនេះត្រូវបានផលិតដំបូងក្នុងឆ្នាំ 1876 នៅសហរដ្ឋអាមេរិក ហើយផលិតតាមស្តង់ដារ យកចិត្តទុកដាក់ លើគុណភាពខ្ពស់យ៉ាងអស្ចារ្យបំផុត។ ហើយជាស្រាបៀដើមរបស់សហរដ្ឋអាមេរិក។ បច្ចុប្បន្ននេះ វាបានក្លាយជាស្រាបៀល្បីលំដាប់ទី1 ពិភពលោក ដោយមានអ្នកនិយមទទួលទានក្នុងបណ្ដាប្រទេសទាំង 85 ៕

អត្ថបទ៖ ទារិកា