ប៉ាល ជីវ័ន្ត៖ ការប្រកួតពានរង្វាន់អន្តរក្លឹប ពិតជាមានសារសំខាន់ចំពោះ តេក្វាន់ដូ ITF

2020-09-14 10:56:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ្រូជម្រើសជាតិ តេក្វាន់ដូ ITF ប៉ាល់ ជីវ័ន្ត ថាការប្រកួតពានរង្វាន់ អន្តរក្លឹប ដែលទើបបញ្ចប់នេះគឺពិតជាមានសារសំខាន់ និងចម្រាញរកអ្នកខ្លាំងបន្ថែមទៀត។

រូបភាពរបស់សហព័ន្ធ

លោក ប៉ាល ជីវ័ន្ត គ្រូជំនួយជម្រើសជាតិ និងជាគណៈកម្មការរៀបចំការប្រកួតមួយរូបបានឲ្យដឹងថា ពានរង្វាន់អន្តរក្លឹប ដែលផ្ដោតលើការប្រកួតមេគុន ខ្សែក្រវាត់ក្រោមខ្មៅ១ដាន់ ផ្នែកនារីដែលទើបបញ្ចប់ការពីថ្ងៃទី ១១ កញ្ញា ២០២០ គឺពិតជាមានសារសំខាន់មែនក្នុងការស្វែងរកធនធានកីឡាការិនីថ្មីៗបន្ថែមទៀត។

ម្ចាស់មេដាយមាសពិភពលោកខាងលើនេះបន្តប្រាប់ទៀតថា ការប្រកួតលើកនេះគឺជាងមុនៗទៅទៀត ជាពិសេសភាពរីកចម្រើនរបស់កីឡាការិនីថ្មីៗ ក្មេងៗដែលមកពីបណ្ដាលក្លឹបនានាហើយភាគច្រើនជាក្លឹបមកពីខេត្តថែមទៀត។ ការប្រកួតនេះសហព័ន្ធសម្លឹងឃើញកីឡាការិនីមួយចំនួនទៀតហើយដែលល្អ និងត្រូវបង្វឹកបន្ថែមដើម្បីជាពន្លកស្នងការប្រកួតគ្រប់កម្រិតតំណាងកម្ពុជា។

រូបភាពរបស់សហព័ន្ធ

បញ្ជាក់ដែរ សហព័ន្ធតេក្វាន់ដូ ITF កម្ពុជា បានធ្វើពិធីប្រកួតដណ្ដើមពានរង្វាន់ អន្តរក្លឹប កាលពីថ្ងៃសុក្រ ទី១១ ខែកញ្ញា ២០២០ នៅទីតាំងហ្វឹកហាត់របស់សហព័ន្ធក្នុងពហុកីឡដ្ឋានជាតិ។ កីឡាការិនីចូលរួមប្រកួតសរុប ១៥នាក់ មកពី៦ក្លឹប៕

អត្ថបទ៖ នួន ស៊ីណា