ភ្ញាក់ផ្អើលហ្មងពេលឃើញលទ្ធផលតេស្តទម្លាក់ Galaxy Note20 ជាមួយ Note20 Ultra

2020-09-23 07:20:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Galaxy Note20 និង Galaxy Note20 Ultra មានចំណុចខុសគ្នាមិនតិចនោះទេ ដូចជាខុសគ្នាត្រង់អេក្រង់ កាមេរ៉ា ថ្ម និងវត្ថុធាតុដែលប្រើក្នុងការផលិត។

Galaxy Note20 Ultra ប្រើកញ្ចក់ការពារ Gorilla Glass Victus ទាំងមុខនិងក្រោយ ចំណែក Note20 វិញមានអេក្រង់មុខការពារដោយកញ្ចក់ Gorilla Glass 5 និងខ្នងក្រោយស្រោបដោយប្លាស្ទិក។ ពេលនេះភាពរឹងមាំរបស់ស្មាតហ្វូនទាំងពីរត្រូវបានគេប្រៀបធៀបក្នុងវីដេអូតេស្តទម្លាក់មួយ ដែលលទ្ធផលគឺគួរឲ្យភ្ញាក់ផ្អើលបំផុត។

វីដេអូធ្វើតេស្តទម្លាក់ដែលបង្កើតឡើងដោយ Channel ឈ្មោះ PhoneBuff បានធ្វើតេស្តការទម្លាក់ពីក្រោយ ទម្លាក់ពីមុខ និងទម្លាក់ពីចំហៀងសម្រាប់ស្មាតហ្វូនទាំងពីរ។ ការតេស្តលើកដំបូង ស្មាតហ្វូនទាំងពីរត្រូវទម្លាក់ដោយត្រឡប់ខ្នងចុះក្រោម ទម្លាក់លើផ្ទាំងស៊ីម៉ង់មួយដុំ។ ជាលទ្ធផលខ្នងប្លាស្ទិករបស់ Note20 មានឆ្កូតបន្តិចប៉ុណ្ណោះ ចំណែកឯ Note20 Ultra មានប្រេះស្រាំកញ្ចក់ផ្នែកកៀនលើខាងឆ្វេង។ នេះជាលទ្ធផលភ្ញាក់ផ្អើលមួយបង្ហាញថាសារធាតុប្លាស្ទិកត្បិតថាមើលទៅមិនឡូយឆាយ ប៉ុន្តែវារឹងមាំមិនដូចកញ្ចក់ឡើយ។

ចំពោះការធ្វើតេស្តបន្តបន្ទាប់ទៀត ស្មាតហ្វូនទាំងពីរសុទ្ធតែអាចធ្វើបានល្អដូចគ្នា។ ចង់ដឹងលម្អិតទស្សនាវីដេអូខាងក្រោម ៖