យប់ឡើងឧស្សាហ៍ផឹកទឹកដោះគោ នោះរាងកាយយើងនឹងមានអ្វីកើតឡើង?
- 2020-09-25 06:28:57
- ចំនួនមតិ 0 | ចំនួនចែករំលែក 0
យប់ឡើងឧស្សាហ៍ផឹកទឹកដោះគោ នោះរាងកាយយើងនឹងមានអ្វីកើតឡើង?
ចន្លោះមិនឃើញ
យោងតាមការស្រាវជ្រាវ ការទទួលទានទឹកដោះគោ១កែវរាល់មុនពេលដំណេកយប់ នឹងផ្ដល់ជាអត្ថប្រយោជន៍ជាច្រើនចំពោះរាងកាយមនុស្សដូចខាងក្រោម៖
** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **
១. អ្នកមិនបាច់ខ្វល់ពីរឿងគេងមិនស្កប់ស្កល់
ការសិក្សាជាច្រើនដែលពិសោធលើរាងកាយមនុស្ស និងសត្វ បានបង្ហាញថា ការផឹកទឹកដោះគោអាចជួយឲ្យធ្វើឲ្យដំណេកកាន់តែល្អប្រសើរជាងមុន។ ទឹកដោះគោសម្បូរសារជាតិ Tryptophan និង Melatonin ដែលជួយបំបាត់ភាពតានតឹង និងធ្វើឲ្យយើងគេងលក់លឿនជាងសព្វដង។
២. វាសម្បូរប្រូតេអ៊ីន
សម្រាប់អ្នកឧស្សាហ៍ងើបនៅពាក់កណ្ដាលយប់ដោយសារតែការឃ្លានអាហារនោះ ការទទួលទានទឹកដោះគោគឺជាដំណោះស្រាយដ៏ចាំបាច់មួយ។ ទឹកដោះគោសម្បូរប្រូតេអ៊ីន ហើយបើកាលណាយើងផឹកវាមុនពេលចូលគេង នោះវានឹងជួយឲ្យយើងឆ្អែតពេញមួយយប់ ដោយមិនចាំបាច់ខ្វល់ពីការលឺសម្លេងកូរពោះទៀតឡើយ។
៣. ទឹកដោះគោជួយសម្រកទម្ងន់
បើមានទម្លាប់ផឹកទឹកដោះគោរាល់យប់ នោះបានន័យថាអ្នកមិនមានបញ្ហានៅក្នុងការគេងនោះទេ។ ហេតុបែបនេះហើយទើបរាងកាយយើងមានកម្លាំងមាំមួនល្អ ហើយអាចដំណើរការយ៉ាងរលូន ជាពិសេសក្នុងការដុតបំផ្លាញជាតិខ្លាញ់ និងជួយសម្រួលដល់ប្រព័ន្ធរំលាយអាហារ។
៤. ទឹកដោះគោជួយបង្កើនម៉ាសសាច់ដុំដែលគ្មានខ្លាញ់
នៅក្នុងទឹកដោះគោមានប្រូតេអ៊ីន២យ៉ាង ដែលគេហៅថា Casein និង Whey។ ប្រភេទប្រូតេអ៊ីនទាំង២នឹងជួយឲ្យរាងកាយបង្កើនសមត្ថភាពធ្វើសំយោគសាច់ដុំជារៀងរាល់យប់៕