មកដឹងរឿងមួយដែលចៃដន្យបំផុត Bayern លើកពាន UEFA Super Cup ២០២០

2020-09-25 04:01:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Javi Martínez ក្លាយជា កីឡាករបម្រុងដូរចូល ដ៏ពិសេសបំផុតមិនធ្លាប់មាន ហើយវាក៏បានក្លាយជាកំណត់ត្រាផ្ទាល់ខ្លួនរបស់គេ និងក្នុងប្រវត្តិសាស្រ្តរបស់ក្លឹបផងដែរ។ កីឡាករដែលលេងតំណែងជា ខ្សែបម្រើការពាររូបនេះ ត្រូវបានគ្រូបង្វឹកលោក Hansi Flick ដូរចូលនៅនាទី ៩៩ រំលងបានតែ ៥ នាទី គេអាចរកគ្រាប់ជ័យជម្នះនៅនាទី ១០៤ ទៅហើយ។ ចប់ប្រកួត Bayern ឈ្នះ ២-១ Sevilla អាចលើកពាន Super Cup លើកទី២ក្នុងប្រវត្តិសាស្រ្តរបស់ក្លឹប។

Javi Martínez រហស្សនាម Mr.Super Sub និង Super Cup

រឿងដែលថា ចៃដន្យបំផុតនោះគឺ កីឡាករអេស្ប៉ាញខាងលើ ក៏ធ្លាប់ធ្វើបានបែបនេះពីមុនម្ដងដែរ កាលពីឆ្នាំ ២០១៣ គ្រាដែល Chelsea ឡើងមកប៉ះ Bayern វគ្គផ្តាច់ព្រ័ត្រ។ គេបានប្តូរចូលនៅចុងម៉ោង រំលងមិនបានប៉ុន្មាននាទីផង អាចរកបានគ្រាប់តាមស្មើ ជួយឲ្យក្រុមបន្តលេងដល់វគ្គប៉េណាល់ទី កាត់សេចក្តី រួចមក ក្រុមខ្លាំងអាឡឺម៉ង់ ក៏ឈ្នះ ហើយលើកពាន UEFA Super Cup ដំបូងបំផុតនៅឆ្នាំ ២០១៣ បានសម្រេច៕

ទស្សនាវីដេអូ Javi Martínez កាលពីឆ្នាំ ២០១៣៖