ចារទុកជាប្រវត្តិសាស្រ្ត! ប្រជាពលរដ្ឋខេត្តសៀមរាប ស្ម័គ្រចិត្តរុះរើសំណង់ដែលសង់លើដីចំណីផ្លូវ
- 2020-09-30 06:40:40
- ចំនួនមតិ 0 | ចំនួនចែករំលែក 0
ចារទុកជាប្រវត្តិសាស្រ្ត! ប្រជាពលរដ្ឋខេត្តសៀមរាប ស្ម័គ្រចិត្តរុះរើសំណង់ដែលសង់លើដីចំណីផ្លូវ
ចន្លោះមិនឃើញ
បន្ទាប់ពីរដ្ឋបាលខេត្តសៀមរាប បានចេញសេចក្តីជូនដំណឹងរួចមក រដ្ឋបាលខេត្តបានសង្កេតឃើញថា បងប្អូនប្រជាពលរដ្ឋបានស្ម័គ្រចិត្តរុះរើសំណង់របស់ខ្លួន ដែលបានសាងសង់លើដីចំណីផ្លូវកន្លងមក ដើម្បីឱ្យអាជ្ញាធរពាក់ព័ន្ធអនុវត្តការពង្រីក និងសាងសង់ផ្លូវទាំង ៣៨ខ្សែឱ្យស្របទៅតាមផែនការដែលបានគ្រោងទុក។
ជាមួយគ្នានេះ រដ្ឋបាលខេត្តសង្ឃឹមយ៉ាងមុតមាំថា ប្រជាពលរដ្ឋនឹងបន្តចូលរួមសហការជាមួយអាជ្ញាធរខេត្ត ដើម្បីការកែលម្អនិងស្តារហេដ្ឋារចនាសម្ព័ន្ធរបស់ខេត្តសៀមរាបឱ្យស័ក្កិសមជាខេត្តទេសចរណ៍ប្រវត្តសាស្ត្រ។
រដ្ឋបាលខេត្តបញ្ជាក់ថា៖ «សកម្មភាពរុះរើរបស់បងប្អូនទាំងអស់នេះ ក្នុងនាមអាជ្ញាធរខេត្តសូមកោតសរសើរ និងសូមថ្លែងអំណរគុណយ៉ាងជ្រាលជ្រៅចំពោះសកម្មភាពនេះ ហើយអាជ្ញាធរខេត្តនឹងចារទុកសកម្មភាពនេះជាប្រវត្តិសាស្ត្រដែលជាប្រជាពលរដ្ឋគំរូល្អក្នុងសង្គមជាតិ»។
សូមជម្រាបថា កាលពីថ្ងៃទី២៣ ខែកញ្ញា ឆ្នាំ២០២០ រដ្ឋបាលខេត្តសៀមរាប បានជូនដំណឹងដល់ពលរដ្ឋដែលស្ថិតនៅតាមបណ្តោយនៃគម្រោងសាងសង់ផ្លូវថ្មី ៣៨ខ្សែ ឱ្យរុះរើសំណង់រំលោភលើដីផ្លូវ ដីចំណីផ្លូវ អូរ ប្រឡាយ និងដីចំណីស្ទឹងសៀមរាប ដោយខ្លួនឯង ក្នុងរយៈពេល១០ថ្ងៃ រហូតដល់ថ្ងៃទី២ តុលា ដើម្បីឱ្យការស្ថាបនាផ្លូវថ្មីប្រព្រឹត្តទៅបានដោយរលូន។ ករណីពុំបានរុះរើតាមការកំណត់ រដ្ឋបាលខេត្តនឹងចាត់វិធានការរុះរើតាមនីតិវិធី និងច្បាប់ជាធរមានដោយមិនទទួលខុសត្រូវរាល់ការខូចខាត និងបាត់បង់ទ្រព្យសម្បត្តិឡើយ៕
ប្រភព៖ រដ្ឋបាលខេត្តសៀមរាប