ព្រោះតែដើមទ្រូងធំពេក ក្មេងស្រីវៀតណាមម្នាក់ក៏សម្រេចធ្វើរឿង១នេះ!

2020-10-05 00:12:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការដែលមានដើមទ្រូងធំអាចចាត់ទុកថាជាបំណងប្រាថ្នារបស់មនុស្សស្រីភាគច្រើន ដើម្បីបង្កើនភាពទាក់ទាញ និងសម្រស់ឲ្យកាន់តែស្អាតមួយកម្រិតបន្ថែមទៀត។ យ៉ាងណាមិញ វាមិនដូចគ្នាឡើយសម្រាប់ក្មេងស្រីជនជាតិវៀតណាមមួយរូបឈ្មោះថា Vo Thi Thu Trang។ ដើមទ្រូងរបស់នាង មានសភាពធំដោយធម្មជាតិ តែមិនមែនធំធម្មតានោះទេគឺធំខ្លាំងតែម្ដងដោយម្ខាងមានទំហំដល់ ១១០សង់ទីម៉ែត្រឯណោះ។

** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **

កាលពីឆ្នាំ២០១៧កន្លងទៅ គ្រប់គ្នានៅលើប្រព័ន្ធបណ្ដាញសង្គមក្នុងស្រុកបានចាប់អារម្មណ៍ជាខ្លាំងចំពោះ Thu Trang ដែលមានដើមទ្រូងធំខ្លាំងបែបនេះ។ ខ្លះសរសើរ តែខ្លះទៀតបានបង្អាប់រិះគន់ ដែលធ្វើឲ្យ Thu Trang មានសេចក្ដីតូចចិត្ត និងកើតទុក្ខជាពន់ពេក។ ក្មេងស្រីកើតឆ្នាំ២០០០រូបនេះ បានរៀបរាប់ថា មានម្ដងនាងបានចេញទៅក្រៅជាមួយមិត្តភក្ដិ ហើយនៅពេលនោះមានមនុស្សមួយក្រុមបានដើរមកជិតហើយបង្អាប់ថានាងនៅក្មេងសោះតែបែរជាមានដើមទ្រូងធំជាងគេជាងឯងខ្លាំងដូច្នេះ។ គ្រាន់តែឮអ៊ីចឹង Thu Trang បានចាប់ផ្ដើមខ្មាសអៀន រួចក៏រត់ទៅផ្ទះភ្លាមៗ។ បើនិយាយរឿងបណ្ដាញសង្គមវិញ ឲ្យតែនាងបង្ហោះរូបម្ដងៗគឺមានគេចាំរិះគន់ជានិច្ច។ ហេតុនេះហើយទើប Thu Trang បង្ខំចិត្តលុបរូបដែលបង្ហោះចោលទៅវិញទាំងសេចក្ដីសោកស្ដាយ។

លុះដល់ខែសីហា ឆ្នាំ២០១៨ Thu Trang បានសម្រេចចិត្តធ្វើការវះកាត់ដើមទ្រូង ដើម្បីបង្រួមវាឲ្យតូចជាងមុន។ ការវះកាត់នេះធ្វើឡើងនៅមន្ទីរពេទ្យមួយកន្លែងស្ថិតក្នុងទីក្រុងហូជីមិញ។ បន្ថែមពីការបង្រួមដើមទ្រូង នាងក៏វះកាត់យកខ្លាញ់ចេញពីភ្លៅ និងក្បាលពោះផងដែរ ដោយហេតុផលថានាងបារម្ភពីបញ្ហាសុខភាពទៅថ្ងៃមុខ។

បាត់មុខប៉ុន្មានឆ្នាំ Thu Trang បានបង្ហាញខ្លួនសាជាថ្មីនៅលើបណ្ដាញសង្គមម្ដងទៀត តែលើកនេះនាងមិនបានរស់នៅក្នុងប្រទេសវៀតណាមឡើយ ដោយនាងបន្តការសិក្សានៅលើទឹកដីជប៉ុនវិញម្ដង។ ក្រៅពីបង្ហាញដំណឹងពីការសិក្សារបស់នាង Thu Trang ក៏បានបង្ហាញមុខមាត់គូស្នេហ៍ថ្មីផងដែរជាជនជាតិជប៉ុន។ Thu Trang បានប្រាប់ថា មិត្តប្រុសនាងចេះគោរពនាងណាស់ ហើយមិនដែលប្រកាន់ពីរូបរាងខុសគេរបស់នាងទេ៕