លោក ចូ បៃឌីន កេងចំណេញនយោបាយពីការផ្ទុកកូវីដរបស់លោក ដូណាល់ ត្រាំ

2020-10-05 02:01:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ចូ បៃឌីន ដែលជាបេក្ខភាពប្រធានាធិបតីមកពីគណបក្សប្រជាធិបតេយ្យ បានផ្សព្វផ្សាយពីគោលនយោបាយរបស់លោក ដោយផ្តោតកាន់តែខ្លាំងលើការដោះស្រាយជំងឺរាតត្បាតកូវីដ១៩ បន្ទាប់ពីគូប្រជែងគឺលោក ដូណាល់ ត្រាំ បានផ្ទុកជំងឺនេះដ៏ភ្ញាក់ផ្អើល។

** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **

លោកស្រី Kate Bedingfield អនុប្រធានផ្នែកយុទ្ធនាការឃោសនាបោះឆ្នោតរបស់លោក ចូ បៃឌិន បានថ្លែងបញ្ជាក់កាលពីថ្ងៃទី៤ ខែតុលា ឆ្នាំ២០២០ថា លោក បៃឌិន នឹងបន្តយុទ្ធនាការដែលសល់ ៣០ថ្ងៃទៀត ដោយនឹងបញ្ចេញសារបញ្ជាក់ថា លោកនឹងដោះស្រាយវិបត្តិជំងឺរាតត្បាតនេះបាន។

លោកស្រីនិយាយដូច្នេះថា៖ «វាជាជម្រើសមួយរវាងរបៀបដឹកនាំខុសគ្នា ចាប់តាំងពីវីរុសនេះបានផ្ទុះឡើងក្នុងប្រទេសរបស់យើង ក្នុងនោះលោក ចូ បៃឌិន បានធ្វើជាគំរូរួចមកហើយ ដូចជាការពាក់ម៉ាស់ រក្សាគំលាតសុវត្ថិភាព និងកំណត់មនុស្សចូលរួម ក្នុងព្រិត្តការណ៍យុទ្ធនាការឃោសនានេះ។ ខ្ញុំគិតថា នោះជាអ្វីដែលប្រជាជនអាមេរិក កំពុងស្វែងរកហើយ»។

គួររំលឹកថា ប្រធានាធិបតីអាមេរិក លោក ដូណាល់ ត្រាំ បានធ្វើតេស្តវិជ្ជមានកូវីដ១៩ កាលពីថ្ងៃទី២ ខែតុលា ឆ្នាំ២០២០ ខណៈការបោះឆ្នោតកាន់តែខិតជិតមកដល់។ លោក ចូ បៃឌីន ក៏បានធ្វើតេស្តរកជំងឺនេះផងដែរ បន្ទាប់ពីឡើងថ្លែងដេញដោលគ្នាលើវេទិកាសាធារណៈអំពីគោលនយោបាយរបស់ខ្លួន ជាមួយលោក ដូណាល់ ត្រាំ ប៉ុន្តែលទ្ធផលគឺអវិជ្ជមានកូវីដ១៩។ ជាមួយគ្នានោះ លោក បៃឌិន ក៏បានផ្ញើសារជូនពរលោក ត្រាំ ឱ្យឆាប់ជាសះស្បើយផងដែរ៕