ធ្វើតែរឿង១នេះឲ្យបាន១០ថ្ងៃជាប់គ្នា ទោះមិនចង់ស្រក ក៏ពិបាកណាស់ដែរ!
- 2020-10-08 06:13:44
- ចំនួនមតិ 0 | ចំនួនចែករំលែក 0
ធ្វើតែរឿង១នេះឲ្យបាន១០ថ្ងៃជាប់គ្នា ទោះមិនចង់ស្រក ក៏ពិបាកណាស់ដែរ!
ចន្លោះមិនឃើញ
វិធីសម្រកទម្ងន់មានច្រើនរបៀបច្រើនសណ្ឋានទៅតាមមនុស្សម្នាក់ៗ។ អ្នកខ្លះជ្រើសយកការតមអាហារ អ្នកខ្លះចាប់យកវិធីហាត់ប្រាណ។ យ៉ាងណាមិញ ប្រហែលជាមានមនុស្សមិនច្រើននាក់នោះទេ ដែលយកទឹកជាវិធីបញ្ចុះគីឡូ។ បើតាមការលើកឡើងរបស់ទំព័រហ្វេសប៊ុកសុខភាព Health+ បានឲ្យដឹងថា ការទទួលទានទឹកជាយុទ្ធសាស្ត្រដ៏មានប្រសិទ្ធភាពមួយក្នុងការជម្រុះចោលជាតិខ្លាញ់មិនល្អចេញពីរាងកាយ។
ទឹកគឺជាសារធាតុចាំបាច់ខ្វះមិនបានសម្រាប់រាងកាយមនុស្ស ដោយក្នុងនោះតម្រង់នោមត្រូវការសារធាតុទឹក៧៩% សាច់ដុំ៧២% បេះដូង៧៣% ឈាម៨៥% សួត៨៣% និងខួរក្បាល៩០%។ ពេលខ្លះយើងអាចយល់ច្រឡំថាឃ្លាន ដោយត្រូវញ៉ាំចំណីជាចាំបាច់ដើម្បីទ្រទ្រង់រាងកាយ តែបើតាមពិតទៅ វាអាចជាតម្រូវការទឹកនៃរាងកាយនោះទេ។ ក្នុងករណីអ្នកមិនបានផឹកទឹកគ្រប់គ្រាន់ នោះនឹងកើតមានការរំខានមួយចំនួនដល់ប្រព័ន្ធមុខងារដំណើរការនៃរាងកាយ។
ទឹកអាចដុតបំផ្លាញកាឡូរី ចុះត្រូវផឹកទឹកយ៉ាងដូចម្ដេចទើបអាចសម្រកទម្ងន់បាន? បើតាម Health+ បានលើកឡើងពីរបៀបញ៉ាំទឹកចំនួន ៥ ដូចខាងក្រោម៖
១. ផឹកទឹកចំណុះ ២៥០មីលីលីត្រនៅពេលពោះទទេក្រោយភ្ញាក់ពីដំណេក
២. ផឹកទឹក ២៥០ ទៅ ៥០០មីលីលីត្រ ឲ្យបាន១ម៉ោងមុនអាហារព្រឹក
៣. ផឹកទឹក ១០០ ទៅ ២០០មីលីលីត្រ ក្រោយផឹកកាហ្វេឬតែ
៤. ផឹកទឹក ២៥០ ទៅ ៥០០មីលីលីត្រ ឲ្យបាន២០នាទីមុនពេលបរិភោគអាហារណាមួយ
៥. ផឹកទឹក ៣០០ ទៅ ៦០០មីលីលីត្ររយៈពេល២ម៉ោងមុនចូលគេង
ក្រោយអនុវត្តវិធីខាងលើបានរយៈពេល១០ថ្ងៃជាប់គ្នា អ្នកប្រាកដជាឃើញលទ្ធផលគួរឲ្យភ្ញាក់ផ្អើលជាក់ជាមិនខាន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
