Apple អាចនឹងឡើងមកលេខ២នៅឆ្នាំក្រោយ ចំណែកលេខ៣វិញ…

  • 2020-10-08 02:30:32
  • ចំនួនមតិ 0 | ចំនួនចែករំលែក 2

ចន្លោះមិនឃើញ


​ក្រោយ​ពី​ឆ្លង​កាត់​ការ​ធ្លាក់​ចុះ​រយៈពេល ៣​ឆ្នាំ​ជាប់​គ្នា​គឺ ២០១៨ ដល់ ២០២០ ទីផ្សារ​ស្មាតហ្វូន​សកល​លោក​រំពឹង​ថា​នឹង​មាន​កំណើន​ឡើង​វិញ​នៅ​ឆ្នាំ ២០២១ ខាង​មុខ​នេះ ដោយ​សារ​ភាព​រីក​ច្រើន​នៃ​រចនាសម្ព័ន្ធ 5G ក្នុង​ប្រទេស​ធំៗ​ដូច​ជា​នៅ​ជប៉ុន អឺរ៉ុប​ និង​​សហរដ្ឋអាមេរិក។ នេះ​បើ​តាម​ការ​ចុះ​ផ្សាយ​របស់​ក្រុមហ៊ុន​ស្រាវជ្រាវ Digitimes Research។

Samsung និង Apple នឹង​អាច​កាន់​កាប់​តំណែង​កំពូល​ទាំង​ពីរ​នៅ​ឆ្នាំ ២០២១ ហើយ​តាម​ពី​ក្រោយ​ដោយ​ OPPO, vivo និង Xiaomi។ ក្រុមហ៊ុន​ Transsion ដែល​មាន​មូលដ្ឋាន​នៅ​ប្រទេស​ចិន​កាន់​កាប់​ម៉ាក Tecno, Itel និង Infinix នឹង​ឈរ​នៅ​លំដាប់​ថ្នាក់​លេខ៦។ ចំណែក Huawei ដែល​ត្រូវ​រង​ទារុណកម្ម​ពី​សហរដ្ឋអាមេរិក​រំពឹង​ថា​ស្ថិត​នៅ​លំដាប់​ថ្នាក់​លេខ​៧។

Digitime បាន​ធ្វើ​ការ​ប៉ាន់​ស្មាន​ថា​នៅ​ឆ្នាំ ២០២០ ចំនួន​លក់​ស្មាតហ្វូន​ 5G នៅ​ទូទាំង​សកល​លោក​នឹង​​មាន​ប្រមាណ​ជាង ២០០​លាន​គ្រឿង ហើយ​នឹង​មាន​កំណើន​ដល់​ជាង ១,២២​ពាន់​លាន​គ្រឿង​នៅ​ឆ្នាំ ២០២៥ ខាង​មុខ៕​​​​​

ប្រភព៖ PhoneArena ប្រែ​សម្រួល៖ សុខហេង

;