ការពារ! មកដឹងវិធីគេចចេញពីឡានដែលធ្លាក់ចូលក្នុងទឹក

2020-10-09 08:03:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ្រប់ឧបទ្ទវហេតុទាំងអស់គឺសុទ្ធតែគួរឲ្យខ្លាច ប៉ុន្តែឧបទ្ទវហេតុដែលឡានធ្លាក់ចូលទៅក្នុងទឹក អាចនិយាយបានថាជាហេតុការណ៍គួរឲ្យខ្លាចជាងគេ នរណាក៏ចង់ជៀសឲ្យផុតដែរ។ ថ្ងៃនេះ Sabay បង្ហាញពីវិធីគេចពីឡានដែលធ្លាក់ចូលក្នុងទឹក ដែលដកស្រង់ចេញពីវិបសាយបរទេស។

១. ធ្វើចិត្តឲ្យនឹង

ការស្លន់ស្លោមិនអាចជួយអ្វីអ្នកបានឡើយ ផ្ទុយទៅវិញធ្វើឲ្យអ្នកអស់កម្លាំង និងអស់ខ្យល់អុកស៊ីហ្សែនពីក្នុងខ្លួន។

២. ដោះខ្សែក្រវាត់ឡាន

aid55939-715px-Escape-from-a-Sinking-Car-Step-2

ការដោះខ្សែក្រវាត់ឡានចេញពីខ្លួន គឺជារឿងដំបូងគេដែលអ្នកត្រូវធ្វើ ប្រសិនបើក្នុងឡានអ្នកមានកូនត្រូវជួយពួកគេដោះខ្សែក្រវាត់ ដោយចាប់ផ្ដើមពីកូនបងមុន ព្រោះកូនបងអាចជួយប្អូនៗឯទៀតបាន។

៣. បើកបង្អួចឡានភ្លាមពេលឡានធ្លាក់ចូលក្នុងទឹក

aid55939-710px-Escape-from-a-Sinking-Car-Step-3

កុំព្យាយាមបើកទ្វារឡាន ដោយបើកបង្អួចឡានជំនួសវិញ។ ការបើកទ្វារឡានគឺពិបាកដោយសារកម្លាំងនៃសម្ពាធទឹក ហើយវាថែមទាំងធ្វើឲ្យទឹកឆាប់ចូលពេញក្នុងឡាន ដែលធ្វើឲ្យឡានលិចចូលក្នុងទឹកកាន់តែលឿន។

៤. វាយបំបែកកញ្ចក់បង្អួច

aid55939-722px-Escape-from-a-Sinking-Car-Step-4

ករណីដែលអ្នកមិនអាចបើកបង្អួចបាន អ្នកត្រូវវាយបំបែកវាដោយប្រើប្រាស់របស់មានក្នុងឡាន ឬប្រើប្រាស់ដៃ-ជើងវាយបំបែក។ នៅក្នុងរថយន្តមួយចំនួនអ្នកអាចដោះ ផ្នែកសម្រាប់កល់ក្បាលចេញពីកៅអីអង្គុយ រួចយកមកវាយបំបែក ដោយសារផ្នែកសម្រាប់កល់ក្បាលនេះមានដែកស្រួចៗងាយស្រួលវាយបំបែក។

៥. គេចចេញតាមបង្អួចដែលបានបើក ឬវាយបំបែកនោះ

aid55939-719px-Escape-from-a-Sinking-Car-Step-6

មុនគេចចេញអ្នកត្រូវដកដង្ហើមឲ្យវែងមួយ រួចហែលចេញតាមបង្អួចឡាន។ ប្រសិនបើឡានមានក្មេងតូចៗត្រូវឲ្យពួកគេចេញមុន ហើយបើពួកគេមិនចេះហែលទេអាចឲ្យរបស់អ្វីមួយដែលអណ្ដែតលើទឹកឲ្យទៅពួកគេតោងបាន។ ប្រសិនបើគ្មានអ្វីសម្រាប់តោងទៀតត្រូវតែមានមនុស្សធំដែលចេះហែលទឹកទៅមួយពួកគេ។ ពេលកំពុងតែហែលចេញត្រូវចាំថាកុំប្រើជើងដើម្បីធាក់ទឹក ព្រោះអាចធ្វើឲ្យអ្នកដទៃដែលហែលចេញតាមពីក្រោយរបួសបាន ដូចនេះគួរប្រើតែដៃបានហើយ។

៦. ស្វែងរកជំនួយ

ក្រោយពីគេចចេញពីហេតុការណ៍នេះបានសម្រេច ត្រូវប្រញាប់ទៅពេទ្យភ្លាម ព្រោះការដែលនៅក្នុងទឹកយូរពេកអាចធ្វើឲ្យអ្នកគ្មានអារម្មណ៍ឈឺលើមុខរបួស ដែលបង្កឡើងពេលនៅក្នុងទឹក។

៧. ករណីដែលមិនអាចបើកបង្អួចនិងវាយបំបែកបាន

អ្នកនៅតែមានឱកាសស្ដួចស្ដើងដើម្បីគេចចេញ។ នៅពេលដែលទឹកចូលចេញឡានហើយ សម្ពាធនឹងចាប់ផ្ដើមស្មើគ្នា ហើយអ្នកនឹងអាចបើកទ្វារឡានបាន។ ប៉ុន្តែដើម្បីធ្វើដូចនេះបានលុះត្រាតែអ្នកអាចទប់ដង្ហើមបានយូរល្អ៕

ប្រភព៖ Wikihow, popularmechanics ប្រែសម្រួល៖ ហៃ សុខហេង