គេប្រទះឃើញអ្វីពេលបើកក្តារមឈូស អាយុកាលជាង ២៥០០ឆ្នាំ? (មានវីដេអូ)

2020-10-12 03:58:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបុរាណវិទូ បានបើកក្តារមឈូសបុរាណប្រមាណ ៥៩ ដែលមានអាយុកាលជាង ២៥០០ឆ្នាំ នៅជិតក្រុងគែរ ប្រទេសអេហ្ស៊ីប កាលពីថ្ងៃទី៥ ខែតុលា ឆ្នាំ២០២០។ អ្វីដែលគេបានឃើញភាគច្រើននៅក្នុងក្តារមឈូសទាំងនេះ គឺជាសាកសពមុំាមី។

** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **

ក្តារមឈូសទាំងនេះ គឺជារបស់បព្វជិត មន្រ្តីជាន់ខ្ពស់ និងវរជនជាដើម ក្នុងសម័យនោះ ដោយពួកគេអាចនឹងត្រូវបញ្ចុះសពដ៏ពេញនិយម គឺការអប់សាកសព។

គ្រប់ក្តារមឈូសទាំងអស់ គឺសុទ្ធតែនៅមានសភាពល្អ និងបន្សល់ជាមួយសិលាចារិកដែលមិនទាន់ខូចខាតផងដែរ។

លោក Khalid El-Enany រដ្ឋមន្រ្តីក្រសួងបុរាណវត្ថុអេហ្ស៊ីប បានថ្លែងថា ក្រុមអ្នកស្រាវជ្រាវបានរកឃើញអំពីសញ្ញានៃការធ្វើពិធីបូជាសពនៅលើក្តារមឈូសទាំងនេះ។ លោកបន្តថា កូវីដ១៩ មិនអាចឃាំងឃាត់អ្នកស្រាវជ្រាវពីការបើកកកាយអាថ៌កំបាំងនៃក្តារមឈូសក្នុងអតីតកាលដ៏រុងរឿងរបស់ខ្លួនបានឡើយ៕

សូមទស្សនាវីដេអូខាងក្រោម៖