De Bruyne ហោះមក Man City វិញមិនបានជួយជម្រើសជាតិ បែលហ្សិកទៀតទេ

2020-10-13 08:41:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Kevin De Bruyne ត្រូវបានសារព័ត៌មានធំៗចុះផ្សាយថា រូបគេបានធ្វើដំណើរមកកាន់ក្លឹប Manchester City វិញហើយ មិនអាចនៅជួយជម្រើសជាតិ បែលហ្សិក រហូតដល់ចប់ភារកិច្ចវគ្គសន្សំពិន្ទុក្នុងពូល នៃពាន Nations League បានទៀតទេ។

Kevin កំពុងជិះកង់លំហែ ក្រោយពេលលេង៦ប្រកួតជាប់ៗគ្នា

កីឡាករវ័យ២៩ឆ្នាំរូបនេះ បានប្តូរចេញត្រឹមនាទី ៧៣ កាលពីថ្ងៃអាទិត្យកន្លងទៅ គ្រាដែល បែលហ្សិក ត្រូវបាន អង់គ្លេស នាំមុខ ២-១ តាំងពីនាទី ៦៥ ម្ល៉េះ។ កីឡាករដែលលេងក្នុងតំណែងជា ខ្សែបម្រើល្អបំផុតមួយរូបនាពេលបច្ចុប្បន្ន មិនរងរបួសអ្វីទេ [ប្រភពរំលេចថា គ្រូបង្វឹកបារម្ភរឿងលេងច្រើនប្រកួតជាប់គ្នាពេក អាចនឹងរបួស]។

បែលហ្សិក ដែលជា ក្រុមបាល់ទាត់ជម្រើសជាតិ លេខ១ ពិភពលោក ក្រោយប្រកួតចាញ់ អង់គ្លេស ។ ពួកគេនៅឈរលេខ ២ មាន ៦ពិន្ទុ(ឈ្នះ២ចាញ់១) ក្នុងលីគ A នៃពូល ២ ពាន Nations League ។ ប្រកួតបន្ទាប់របស់ បែលហ្សិក នឹងត្រូវជួប អ៊ីស្លង់ នៅយប់ថ្ងៃពុធទី ១៤ តុលា៕