លម្អិតអំពីចំណុចខ្លាំងកាមេរ៉ា iPhone 12 Pro Max

2020-10-14 03:56:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

iPhone 12 Pro និង iPhone 12 Pro Max មានបំពាក់កាមេរ៉ាខាងក្រោយបីគ្រាប់ដូចគ្នា ប៉ុន្តែ iPhone 12 Pro Max មានបំពាក់បន្ថែមមុខងារកាមេរ៉ាពិសេសៗជាច្រើនមិនធ្លាប់មានលើ iPhone ពីមុនមក។

ការឌីហ្សាញកាមេរ៉ា

iPhone 12 Pro Max មាន Sensor ទំហំធំជាង iPhone 12 Pro រហូតដល់ ៤៧% ដែល Sensor ធំជាងនេះអាចផលិតរូបភាពមាន Dynamic Range ប្រសើរជាងមុន, អាចផលិតរូបភាពនៅទីងងឹតបានប្រសើរ និងមានគុណភាពរូបភាពខ្ពស់ជាង iPhone ណាណាទាំងអស់។ Apple បានអះអាងថា iPhone 12 Pro Max អាចផលិតរូបភាពនៅទីងងឹតបានប្រសើរជាង iPhone 11 Pro Max ដល់ទៅ ៨៧% ឯណោះ។

Sensor ទំហំធំនេះដែរ អាចឲ្យ Apple បង្កើន Focal Length នៃកាមេរ៉ា Telephoto បានដល់ទៅ ៦៥ម.ម ដែលមានន័យថាវាអាច Zoom បានឆ្ងាយ ពោលអាច Zoom Optical បាន៥ដង ប្រសិនបើរាប់ពី Ultrawide ហើយ Zoom ទៅកាន់ Telephoto។ បន្ថែមពីនេះ Pro Max ប្រើនូវមុខងាររក្សាលំនឹងលើ Sensor តាមរយៈបច្ចេកវិទ្យាបម្រែបម្រួល Sensor ដែលបច្ចេកវិទ្យានេះគេនិយមប្រើលើកាមេរ៉ា Mirrorless ខ្នាតធំ។

Sensor នៃកាមេរ៉ាលើ iPhone 12 Pro Max ផលិតរូបភាពច្រើនសន្លឹកក្នុងពេលតែមួយ នៅក្នុង Image Singal Processor បន្ទាប់មកធ្វើការគណនាលើរូបទាំងនោះ ហើយឆ្លងកាត់នូវ Neural Engine ដែលដំណើរការដោយបន្ទះឈីប A14 Bionic ដើម្បីផលិតបានជារូបភាពមួយសន្លឹកដែលមានគុណភាពខ្ពស់បំផុត។

មុខងារ Night Mode

មុខងារ Night Mode នាពេលនេះបានបន្ថែមលើកាមេរ៉ា TrueDepth (កាមេរ៉ា Selfie) និងកាមេរ៉ា Ultrawide ផងដែរ។ បន្ថែមពីនេះ Apple ក៏មានបន្ថែមមុខងារថ្មីឈ្មោះថា Night Mode Time-Lapse ដែលអាចថតវីដេអូ Time-Lapse នៅទីងងឹត ដោយវីដេអូមានភាពច្បាស់ជាងមុន, ពន្លឺភ្លឺជាងមុន និងមាន Exposure ប្រសើរជាងមុនផងដែរ។

ការបំពាក់ Sensor LiDAR

iPhone 12 Pro ទាំងពីរប្រភេទក៏មានបំពាក់នូវ Sensor LiDAR ដែលអាចប្រើសម្រាប់ការ Autofocus ពេលថតនៅទីងងឹត, អាចសម្គាល់លើ Subject និងអាចជួយដល់ការថតរូបភាព/វីដេអូ ដំណើរការលឿនជាងមុន។ ការថតនៅទីងងឹត មុខងារ Autofocus នឹងដំណើរការលឿនជាងមុនដល់ទៅ៦ដង ហើយការថត Portrait នៅកន្លែងងងឹតក៏ប្រសើរជាងមុនផងដែរ។

HDR និង Dolby Vision

Apple បានអនុញ្ញាតឲ្យថតវីដេអូប្រភេទ HDR ជាលើកដំបូងលើ iPhone ជាមួយ iPhone 12 Pro/Pro Max ដែលវីដេអូប្រភេទនេះមានពណ៌ចំនួន ៧០០លានពណ៌ (ពណ៌ច្រើនជាងមុន ៦០ដង)។ សម្រាប់ iPhone 12 Pro Max អាចផលិតវីដេអូប្រភេទ Dolby Vision HDR ក្នុងល្បឿនដល់ ៦០ប្លង់/វិនាទី ហើយថែមទាំងអាចកែសម្រួលវីដេអូ Dolby Vision នៅលើកម្មវិធី Photos បានដោយផ្ទាល់ទៀតផង។

Apple ProRAW

Apple នឹងបញ្ចេញកំណែទម្រង់នៅចុងឆ្នាំនេះដែលនឹងបន្ថែមមុខងារ Apple ProRAW លើ iPhone 12 Pro ទាំងពីរ។ Apple ProRAW នេះគឺជាវិធីសាស្ត្រដាក់បញ្ចូលរូបភាពច្រើនប្លង់លាយបញ្ចូលគ្នា ក្នុងទ្រង់ទ្រាយជារូបភាព RAW។ វាអាចប្រមូលទិន្នន័យជាច្រើននៃរូបភាពប្លង់នីមួយៗដាក់ដាច់ដោយឡែកពីគ្នា ដើម្បីអាចកែសម្រួលនាពេលក្រោយបានតាមចិត្តតាមរយៈកម្មវិធី Photos ដែលអាចកែពណ៌, កម្រិតម៉ត់នៃសាច់រូបភាព និង Dynamic Range ជាដើម។