ការធ្វើកិច្ចសហប្រតិបត្តិការ​អន្តរជាតិដ៏រឹងមាំ លើ​វ៉ាក់សាំង​ប្រឆាំងជំងឺកូវីដ១៩ នឹង​ជួយជំរុញឱ្យ​សេដ្ឋកិច្ចពិភពលោកឆាប់បានស្រោចស្រង់ឡើងវិញ ក្នុងនោះ​ចំណូលសកលនឹងកើនឡើងរហូតដល់ ៩ទ្រីលានដុល្លារ ត្រឹមឆ្នាំ​២០២៥។ នេះបើតាម​ការបញ្ជាក់របស់​លោកស្រី Kristalina Georgieva នាយក​មូលនិធិ​រូបិយវត្ថុអន្តរជាតិ IMF កាលពីថ្ងៃទី១៥ ខែតុលា ឆ្នាំ​២០២០។

** ទាញយក App Kley Kley នៅលើ Android និង iOS ដើម្បី​ទទួលបាន​ព័ត៌មាន​លឿនរហ័ស **

លោកស្រី​សង្កត់ធ្ងន់ថា ប្រសិនបើ​វ៉ាក់សាំង ត្រូវបានបែងចែកទាំងនៅ​ក្នុងប្រទេសអ្នកមាន និងប្រទេសក្រីក្រ នោះ​នឹងកាន់តែជំរុញ​ទេសចរ វិនិយោគ ពាណិជ្ជកម្ម និង​សកម្មភាពដទៃទៀត ដោយសារតែមនុស្ស​កាន់តែមានទំនុកចិត្ត​ថាអាចទប់ទល់នឹងការឆ្លងវីរុសកូវីដ១៩បាន។

IMF លើកឡើង​ថា សមភាព និងការរកទិញបាន​នូវវ៉ាក់សាំងកូវីដ១៩ នឹង​ក្លាយជាគន្លឹះដ៏សំខាន់​ក្នុងការបញ្ចៀសភាពភ័យខ្លាចរយៈពេលវែងទៅលើសេដ្ឋកិច្ចពិភពលោក។

ជាមួយគ្នានោះ លោកស្រី Kristalina Georgieva ក៏បាន​ជំរុញ​ឱ្យ​អាមេរិក និងចិន ត្រូវតែរក្សាភាព​ខ្លាំងនៃសេដ្ឋកិច្ចរបស់ខ្លួន ដើម្បី​បង្កើនសន្ទុះ​ការស្រោចស្រង់សេដ្ឋកិច្ចសកលឡើងវិញ៕