រដ្ឋមន្រ្តីការបរទេសចិន វ៉ាង យី ថាប្រទេសមួយនេះ នឹងក្លាយជាកន្លែងផលិតវ៉ាក់សាំងប្រចាំអាស៊ាន
- 2020-10-16 08:07:51
- ចំនួនមតិ 0 | ចំនួនចែករំលែក 0
រដ្ឋមន្រ្តីការបរទេសចិន វ៉ាង យី ថាប្រទេសមួយនេះ នឹងក្លាយជាកន្លែងផលិតវ៉ាក់សាំងប្រចាំអាស៊ាន
ចន្លោះមិនឃើញ
លោក វ៉ាង យី រដ្ឋមន្រ្តីការបរទេសចិន បានថ្លែងថា ឥណ្ឌូណេស៊ី នឹងអាចក្លាយជាទីតាំងផលិតវ៉ាក់សាំងសម្រាប់តំបន់អាស៊ីអាគ្នេយ៍ នាពេលខាងមុខឆាប់ៗនេះ។ លោកថ្លែងដូច្នេះ ក្នុងជំនួបជាមួយលោក Luhut Pandjaitan រដ្ឋមន្រ្តីកិច្ចការសមុទ្រ និងវិនិយោគឥណ្ឌូណេស៊ី កាលពីចុងសប្តាហ៍មុន។
** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **
រដ្ឋមន្រ្តីចិន លើកឡើងយ៉ាងដូច្នេះថា៖ «ចិនកំពុងធ្វើការជាមួយឥណ្ឌូណេស៊ី ទៅលើការស្រាវជ្រាវវ៉ាក់សាំង ការផលិត និងចែកចាយ និងផ្លាស់ប្តូរទស្សនកិច្ចគ្នា ដើម្បីធានានូវការផលិតវ៉ាក់សាំងដែលមានតម្លៃសមរម្យ សម្រាប់តំបន់ និងជុំវិញពិភពលោក»។
សូមជម្រាបថា ក្នុងអំឡុងដំណើរទស្សនកិច្ចរបស់លោក វ៉ាង យី មកកាន់តំបន់អាស៊ានកាលពីពេលថ្មីៗនេះ ក្នុងនោះលោកបានសន្យាជាមួយមេដឹកនាំកម្ពុជា ឡាវ និងម៉ាឡេស៊ី ថានឹងចាត់ទុកប្រទេសទាំងនេះ ជាអាទិភាពក្នុងការផ្តល់វ៉ាក់សាំងប្រឆាំងជំងឺកូវីដ១៩ នៅពេលចិនសម្រេចការផលិតរួច។
កាលពីខែកញ្ញាកន្លងទៅ ក្រុមហ៊ុនផលិតវ៉ាក់សាំងប្រឆាំងកូវីដ១៩ SinoVac នៃប្រទេសចិន បានប្រកាសថា វ៉ាក់សាំងនេះ នឹងត្រូវអភិវឌ្ឍរួចរាល់នៅដើមឆ្នាំ២០២១ សម្រាប់បែងចែកទៅកាន់ពិភពលោក។ SinoVac ជាវ៉ាក់សាំងប្រឆាំងកូវីដ១៩ ក្នុងចំណោមវ៉ាក់សាំងចំនួន៤ នៅប្រទេសចិន ដែលកំពុងត្រូវបានអភិវឌ្ឍ។ ក្នុងនោះវ៉ាក់សាំង២ជារបស់ក្រុមហ៊ុន SinoPharm និង ១ជារបស់ក្រុមហ៊ុន CanSino៕