ខ្មែរបុរាណគេធ្វើឥដ្ឋគឺ គេយកអង្ករដំណើបមកបបរលាយ និងដីឥដ្ឋ ហើយយកទៅជាន់ក្នុងពុម្ពរួចយកទៅដុត។ ​ក្រៅពីអង្ករដំណើប និងដីឥដ្ឋ ខ្មែរបុរាណសម័យនោះក៏យកទឹកឃ្មុំយកមកលាយជាមួយផងដែរ ដោយសារសម័យនោះខ្មែរយើងសម្បូរឃ្មុំណាស់។ នេះបើយោងតាមសៀវភៅគំនូរបុរាណ របស់អ្នកនិពន្ធ កក់ ច័ន្ទថាត។

បើនិយាយពីទំហំឥដ្ឋវិញនោះ ឥដ្ឋសម័យបុរាណគឺមានទំហំធំជាងសម័យបច្ចុប្បន្នគឺមានទំហំ ១៥ គុណ ៣០សង់ទីម៉ែត្រ។ ឥដ្ឋបុរាណបែបនេះឃើញមាននៅតាមប្រាសាទនានាដូចជា ប្រាសាទសំបូរព្រៃគុក ​ប្រាសាទព្រះគោ ប្រាសាទក្រវ៉ាន ជាដើម៕