Dybala ខឹងអត់បានលេងបាល់ ប៉ះសម្ដីជាមួយប្រធានក្លឹប កាលពីចុងសប្ដាហ៍

2020-10-20 03:47:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីចុងសប្ដាហ៍ កន្លងទៅ Paulo Dybala ខ្សែប្រយុទ្ធជំនាញជើងឆ្វេង និងជាកីឡាករឆ្នើមប្រចាំក្រុម សេះបង្កង់ ត្រូវបានគេដឹងថា ប៉ះពាក្យសម្ដីជាមួយនឹងប្រធានក្លឹបលោក Fabio Paratici ។

Dybala កំពុងហ្វឹកហាត់ត្រៀមលេង UCL

តាមការចុះផ្សាយរបស់កាសែតអ៊ីតាលី Tuttosport រឿងរ៉ាវកើតឡើងដោយសារតែ គេមិនបានលេងសោះ (មានឈ្មោះបំរុង តែគ្រូមិនប្តូរចូល) ។ ៤ ប្រកួតដំបូងនៅរដូវកាលនេះ ខ្សែប្រយុទ្ធសញ្ជាតិអាហ្សង់ទីនខាងលើ មិនទាន់បានចូលលេងទេ និងជាពិសេសអង្គុយកៅអីបំរុងពេញមួយប្រកួត ពេល Juventus លេងបានត្រឹមស្មើ ១-១ ទល់នឹងក្រុម Crotone ជំនួសវិញដោយកីឡាករវ័យក្មេង Manolo Portanova និង Dejan Kulusevski ។

Andre Pirlo គ្រូបង្វឹកក្រុម Juventus

ចប់ប្រកួត លោក Andre Pirlo គ្រូបង្វឹកក្រុម Juventus បានឆ្លើយឆ្លងនឹងអ្នកសារព័ត៌មានថា លោកបាននិយាយជាមួយគ្រប់គ្នាក្នុងក្រុម រួមទាំង Paulo ដែរ។ គេពិតជា ខឹងនិងអន់ចិត្តមែន លោកចង់ដាក់គេឲ្យលេង តែស្ថានភាពរបស់គេ "អ្នកគួរដឹងហើយថា ហាត់តែ១០នាទីមិនអាចគ្រប់គ្រាន់ទេ ត្រូវតែបង្ហាញឲ្យអស់ពី គុណភាពរបស់អ្នក។"

ទោះជាបែបនេះក៏ដោយ ការប្រកួតវគ្គសន្សំពិន្ទុតាមពូល UCL នៅយប់ថ្ងៃអង្គារ Juventus ត្រូវប៉ះក្រុម Dynamo Kyiv ខ្សែប្រយុទ្ធឆ្នើមរូបនេះ អាចនឹងបានចូលលេងវិញ៕