លោក Jair Bolsonaro ប្រធានាធិបតី​ប្រេស៊ីល បាន​ប្រកាសថា ប្រេស៊ីលនឹង​មិន​ទិញ​វ៉ាក់សាំងប្រឆាំងនឹង​ជំងឺកូវីដ១៩ ​ចំនួន ៤៦លានដូស ដែល​ផលិត​ដោយក្រុមហ៊ុនចិនឡើយ។ លោក​បញ្ជាក់ដូច្នេះ តាមរយៈបណ្តាញសង្គមកាលពីថ្ងៃទី២១ ខែ​តុលា ឆ្នាំ​២០២០។

** ទាញយក App Kley Kley នៅលើ Android និង iOS ដើម្បី​ទទួលបាន​ព័ត៌មាន​លឿនរហ័ស **

លោក​លើកឡើង​ថា៖ «ប្រជាជន​ប្រេស៊ីល មិនមែន​ជាសត្វកណ្តុរ​ (សម្រាប់​ធ្វើតេស្ត​វ៉ាក់សាំង) របស់​នរណាម្នាក់​ឡើយ។ ការ​សម្រេចចិត្ត​របស់ខ្ញុំ គឺនឹង​មិនទិញ​វ៉ាក់សាំង​ដែលមិនទាន់​បញ្ចប់ការធ្វើតេស្តសាកល្បងនោះទេ»។

គួរដឹងថា ប្រេស៊ីលជាប្រទេសឆ្លងកូវីដ១៩ ច្រើនបំផុតលំដាប់ទី២ក្នុងពិភពលោក ដោយគិតត្រឹមថ្ងៃទី២២ ខែតុលា ឆ្នាំ​២០២០ ប្រទេសនេះ មានករណីឆ្លងសរុបជាង ៥,៣លាននាក់ ក្នុងនោះស្លាប់ជាង ១៥ម៉ឺននាក់ និង​ជាសះស្បើយជាង ៤,៧លាននាក់៕