រឿងពិតមួយរបស់ Zlatan តាំងពីលេងឲ្យ AC Milan វិញក្រុមមិនចាញ់សោះ រដូវកាលនេះ

2020-10-23 04:39:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធវ័យ ៣៩ ឆ្នាំ Zlatan Ibrahimovic មានឈ្មោះចូលលេង៦៥ នាទីដែរ តែមិនអាចរកគ្រាប់បាល់បាន ដោយដូរជំនួសកីឡាករ Rafael Leao ។

ចប់ប្រកួត AC Milan ឈ្នះ ៣-១ លើក្រុមខ្លាំងស្កុតឡែន Celtic យកបានជ័យជម្នះដំបូង (៣ពិន្ទុ) ក្នុងពូល H វគ្គសន្សំពិន្ទុជុំទី ១ ពានអឺរ៉ុបលំដាប់ទី២ UEFA Europa League ។

Zlatan ពេលលេងទល់នឹង Celtic យប់មិញ

ត្បិតតែស៊ុតមិនចូល ប្រកួតយប់មិញ តែកំណត់ត្រាគួរឲ្យចាប់អារម្មណ៍មួយរបស់ Zlatan ជួយក្រុម AC Milan លេង ៨ ប្រកួតមិនទាន់ចាញ់សោះ(គិតគ្រប់កម្មវិធីទាំងអស់) និងតាំងពីលីគអ៊ីតាលីបើកវិញរដូវកាលមុន រហូតដល់ រដូវកាលថ្មី។

Zlatan អាយុ ៣៩ ឆ្នាំក្លាយជា កីឡាករចំណាស់បំផុតទី ២ បន្ទាប់ពី Paolo Maldini (៤០ឆ្នាំ) មានឈ្មោះក្នុងជម្រើស១១នាក់ដំបូង ចូលលេងពានអឺរ់ុប UEL ។

ឥឡូវនេះ AC Milan នៅឈរកំពូលតារាង SerieA សប្ដាហ៍ទី ៤ មាន ១២ ពិន្ទុ (ឈ្នះទាំងអស់ មិនទាន់ស្មើ ឬចាញ់ និងស៊ុតចូលគូប្រជែង ៩ គ្រាប់) ថែមទៀតផង៕