ពេលទឹកជំនន់ គួរប្រុងប្រយ័ត្នចំពោះជំងឺ៥ប្រភេទនេះ!

2020-10-27 01:37:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រៅពីបាត់បង់ទ្រព្យសម្បត្តិ គ្រោះទឹកជំនន់ក៏បង្កជាបញ្ហាសុខភាពធ្ងន់ធ្ងរផងដែរចំពោះមនុស្ស។ ទឹកភ្លៀងដែលហូរចុះតាមតំបន់ដីចោត នឹងពាំនាំមកជាមួយនូវសារធាតុដីកខ្វក់ និងជាតិពុលទៅកាន់តំបន់លិចទឹក។ បែបនេះហើយទើបប្រជាជនដែលរស់នៅតំបន់លិចទឹក អាចប្រឈមបញ្ហាសុខភាពច្រើន ជាពិសេសគឺជំងឺ៥ប្រភេទដូចខាងក្រោម៖

រូបតំណាង

**១. ជំងឺគ្រុនពោះវៀន**

គ្រុនពោះវៀនបង្កឡើងដោយបាក់តេរីម៉្យាងឈ្មោះ Salmonella Typhi ដែលមានវត្តមាននៅក្នុងទឹកកខ្វក់ និងចំណីអាហារ។ រោគសញ្ញានៃជំងឺគ្រុនពោះវៀនមានដូចជា ឈឺក្បាល បាត់បង់ចំណង់អាហារ ក្ដៅខ្លួនខ្លាំង និងរាគរូស។

២. អាសន្នរោគ

Vibrio Cholera គឺជាប្រភេទបាក់តេរី ដែលបណ្ដាលឲ្យមនុស្សកើតមានជំងឺអាសន្នរោគ។ បាក់តេរីនេះឆ្លងតាមរយៈទឹកផឹក ចំណីអាហារ និងសត្វរុយ។ រោគសញ្ញាទូទៅនៃអាសន្នរោគគឺឈឺចុកត្រគាក និងក្អួតចង្អោរ។

៣. ជំងឺ Leptospirosis

ជំងឺនេះកើតចេញពីបាក់តេរីឈ្មោះ Leptospira ដែលឆ្លងមកពីទឺកនោមសត្វដូចជា កណ្ដុរ គោ និងក្របី ជាដើម។ ការចម្លងជំងឺអាចកើតឡើងបាន បើកាលណាមនុស្សឧស្សហ៍ត្រាំទឹកកខ្វក់ក្នុងរយៈពេលយូរ និងដើរកាត់ទឹក ហើយនៅត្រង់ស្បែកមានស្នាមរលាត់ ឬដំបៅ។ រោគសញ្ញានៃជំងឺមានដូចជា ឈឺក្បាល គ្រុនក្ដៅ ឈឺសាច់ដុំ ភ្នែកក្រហម និងភ្នែករកាំហូរទឹកភ្នែក។ ក្នុងករណីព្យាបាលមិនទាន់ពេល អ្នកជំងឺអាចសន្លប់បាត់បង់ស្មារតីបាន។

៤. ជំងឺថ្លើមប្រភេទ A

ជំងឺរលាកថ្លើមប្រភេទ A នេះបង្កឡើងដោយការបរិភោគអាហារមិនចម្អិន និងគ្មានអនាម័យ។ គ្រុនក្ដៅកម្រិតស្រាល អាការៈមិនសូវឃ្លានអាហារ ឈឺសាច់ដុំ និងភ្នែកឡើងលឿង គឺជារោគសញ្ញាចម្បងនៃជំងឺថ្លើមប្រភេទ A។

៥. គ្រុនឈាម

ពេលកើតមានទឹកជំនន់ នោះហើយគឺជាវេលាល្អបំផុតសម្រាប់មូស ដែលជាភ្នាក់ងារចម្លងជំងឺដ៏កាចសាហាវ ជាពិសេសគឺជំងឺគ្រុនឈាម។ ជំងឺគ្រុនឈាមបង្កឡើងតាមរយៈមូសខ្លា។ រោគសញ្ញានៃជំងឺមានដូចជា បាត់បង់ចំណង់អាហារ ក្អួត ឈឺសាច់ដុំ ស្បែកឡើងក្រហម និងមានកន្ទួលក្រហមៗលើស្បែក៕