អ្នកដើរតួអង្គ James Bond បានទទួលមរណភាពហើយ

2020-11-01 02:59:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Sean Connery ដែលជាតារាសម្តែងដើរតួអង្គ James Bond ដ៏ល្បីល្បាញបំផុត បានទទួលមរណភាពហើយដោយជរាពាធក្នុងអាយុ ៩០ឆ្នាំ។

លោកបានស្លាប់ក្នុងអំឡុងពេលដេកលក់ កាលពីថ្ងៃទី៣១ ខែតុលា ឆ្នាំ២០២០ នៅ Bahamas។

តារាសម្តែងសញ្ជាតិស្កុតលែនរូបនេះ បានបង្កើតភាពល្បីល្បាញក្នុងវិស័យភាពយន្តអស់រយៈពេល ៥ទសវត្សរ៍មកហើយ ក្នុងនោះលោកបានឈ្នះពានរង្វាន់អូស្កាក្នុងឆ្នាំ១៩៨៨ ចំពោះការដើរតួសម្តែងរបស់លោក ក្នុងរឿង The Untouchables។ រឿងល្បីៗផ្សេងទៀតរបស់លោករួមមាន៖ The Hunt for Red October, Highlander, Indiana Jones និង The Last Crusade and The Rock ជាដើម។

លោក Jason Connery ដែលត្រូវជាកូនប្រុសរបស់លោក Sean Connery បាននិយាយថា «សមាជិកគ្រួសាររបស់គាត់ជាច្រើននាក់ បានស្ថិតនៅជុំវិញគាត់ ក្នុងពេលគាត់ស្លាប់ពេលយប់ នៅក្រុង Nassau។ រឿង Thunderball របស់គាត់ត្រូវបានចាក់បញ្ចាំងនៅទីនោះ»។

លោកបន្តថា៖ «វាជាថ្ងៃដ៏សោកសង្រេងមួយចំពោះអ្នកដែលស្គាល់ និងស្រឡាញ់ប៉ារបស់ខ្ញុំ ហើយក៏ជាក្តីទុក្ខចំពោះមនុស្សទាំងអស់នៅជុំវិញពិភពលោក ដែលបានរីករាយនឹងកាដូដ៏អស្ចារ្យនៅពេលគាត់ជាតារាសម្តែង»៕

ប្រភព៖ BBC