តាមការសិក្សាស្រាវជ្រាវបង្ហាញថា នៅក្នុងមាត់មានមេរោគប្រហែល ៦ប៊ីលាន ហើយនៅពេលដែលមានការរលាកអញ្ចាញ ធ្វើឲ្យមេរោគងាយឆ្លងចូលទៅតាមសរសៃឈាម និងប៉ះពាល់ដល់សរីរាង្គសំខាន់ៗដូចជា បេះដូង សួត ខួរក្បាល និងបំរែបំរួលសរីរាង្គផ្សេងៗ។

ជំងឺមួយចំនួនដែលអាចកើតមាន ដោយសារការរលាកអញ្ចាញធ្មេញ៖

• ជំងឺបេះដូង
• ជំងឺដាច់សរសៃឈាមខួរក្បាល
• ជំងឺមហារីកមាត់ធ្មេញ
• ជំងឺរលាកសួត
• ជំងឺទឹកនោមផ្អែម
• ជំងឺពុកធ្មេញ ក្លិនមាត់មិនល្អ និងបាត់បង់ធ្មេញ
• ជំងឺពុកឆ្អឹង
• ជំងឺរលាកសន្លាក់
• សម្រាប់ស្ត្រីមានផ្ទៃពោះ(កូនកើតមិនគ្រប់ខែ ឬមិនគ្រប់គីឡូ)

ជំងឺរលាកអញ្ចាញធ្មេញ បង្កដោយមូលហេតុធំចំបងមួយ គឺពពួកបាក់តេរីដែលមាននៅក្នុងកំណកកំបោរព័ទ្ធជុំវិញធ្មេញ ក្នុងរយៈពេលយូរនាំឲ្យមានការរលាកអញ្ចាញធ្មេញ។ មូលហេតុផ្សេងទៀតអាចមកពី ការប៉ះទង្គិច ការប៉ះផ្ទាល់សារធាតុគីមី ការដាក់ធ្មេញ ឬប៉ះធ្មេញមិនត្រឹមត្រូវតាមបច្ចេកទេសជាដើម។

សូមលោកអ្នក ការពារសុខភាពមាត់ធ្មេញរបស់លោកអ្នក កុំឲ្យកើតជំងឺរលាកអញ្ចាញធ្មេញ ដោយត្រូវធ្វើអនាម័យមាត់ធ្មេញជាប្រចាំ ដុសសំអាតធ្មេញយ៉ាងតិចណាស់ ២ដងក្នុង១ថ្ងៃ បរិភោគអាហារជួយដល់សុខភាព ហើយត្រូវណាត់ជួបជាមួយទន្តបណ្ឌិត ៦ខែម្តង ដើម្បីពិនិត្យ និងលាងសំអាតនូវកំណកកំបោរតាមជើងធ្មេញចេញ៕

ប្រភព៖ មន្ទីពេទ្យកាល់ម៉ែត្រ