សេដ្ឋីនី​ក្មេង​បំផុត​ប្រទេស​ចិន អាយុ​២៦​ឆ្នាំ ទ្រព្យ​២៤​ពាន់​លាន​ដុល្លារ ធ្វើឲ្យគេភ្ញាក់ផ្អើល

  • 2020-11-13 02:42:00
  • ចំនួនមតិ 9 | ចំនួនចែករំលែក 62

ចន្លោះមិនឃើញ


ប្រទេស​ចិន​ទើប​តែ​ប្រកាស​ឈ្មោះ​សេដ្ឋីនី​ដែល​មាន​វ័យ​ក្មេង​ជាង​គេ​ឆ្នាំ​នេះ ហើយ​តំណែង​នេះ​ត្រូវ​បាន​ធ្លាក់​លើ​ស្រី​ស្អាត Zhang Jie Tian ភរិយា​របស់​កំពូល​មហាសេដ្ឋី​ក្រុមហ៊ុន JD.com។

បណ្ដាញ​ព័ត៌មាន Hurun ទើប​តែ​ប្រកាស​តារាង​ឈ្មោះ​មហាសេដ្ឋី​ទាំង ១០០​របស់​ចិន​នៅ​ក្នុង​ឆ្នាំ​នេះ។ ទន្ទឹម​នឹង​នោះ ក៏​ប្រកាស​សេដ្ឋី​ដែល​មាន​អាយុ​ក្មេង​ជាង​គេ​ផង​ដែរ។

តំណែង​នេះ​ត្រូវ​បាន​ទៅ​លើ​ អ្នក​ជំនួញ​ស្រី Zhang Jie Tian ដែល​ជា​ប្រពន្ធ​របស់លោក Liu Qiangdong នាយក​ប្រតិបត្តិ​ក្រុមហ៊ុន JD.com ដែល​ជា​គូ​ប្រជែង​របស់ Alibaba របស់​ Jack Ma។

តាម​ប្រភព​ដដែល ដោយ​មាន​ភាគហ៊ុន​នៅ​ក្នុង​ក្រុមហ៊ុន​របស់​ប្ដី ព្រម​ទាំង​ការ​វិនិយោគ​ទុន​របស់​ខ្លួន​ផ្សេង​ៗ​ទៀត នៅ​ពេល​បច្ចុប្បន្ន ស្រី​ស្អាត​២៦​ឆ្នាំ កំពុង​មាន​ទ្រព្យ​សម្បត្តិ​សរុប​នៅ​ក្នុង​ដៃ​គឺ ២៣,៥​ពាន់​លាន​ដុល្លារ។ ដោយ​ក្រៅ​ពី​ភាគហ៊ុន​ក្នុង​ក្រុមហ៊ុន​របស់​ប្ដី អ្នក​ម្ដាយ​កូន​១​នេះ មាន​ភាគហ៊ុន​ក្នុង​ក្រុមហ៊ុន ៦​ផ្សេង​ទៀត។

មនុស្ស​ជា​ច្រើន​បាន​លើក​ឡើង​ថា​ ស្រី​ស្អាត​កើត​ឆ្នាំ ១៩៩៣ មាន​សំណាង​បែប​នេះ​ដោយ​សារ​ចេះ​ក្ដាប់​យក​ឱកាស​សម្រាប់​ខ្លួន​ឯង ដោយ​កាល​ពី​ទើប​តែ​ល្បី​ឈ្មោះ​ដំបូង​លើ​បណ្ដាញ​សង្គម​ដោយ​សារ​តែ​រូប​សប្បត្តិ​ទាក់ទាញ​របស់​ខ្លួន​នោះ មាន​ផលិតករ​ជា​ច្រើន​ ចង់​ឲ្យ​នាង​ថត​រឿង​របស់​ពួក​គេ​ តែ​នាង​បដិសេធ​ទាំង​អស់ ដើម្បី​ទៅ​រៀន​បន្ត​នៅ​សហរដ្ឋ​អាមេរិក ដែល​ជា​កន្លែង​ដែល​នាង​ស្គាល់​ប្ដី​ដែល​មាន​អាយុ​បង​ខ្លួន​១៩​ឆ្នាំ​ផង​ដែរ។ អ្នក​ទាំង​បានស្វាគមន៍​កូន​ដំបូង​កាល​ពី​ឆ្នាំ ២០១៥៕

ប្រភព៖ cafebiz.vn ប្រែ​សម្រួល៖ Caramel

;