បើមិនចង់ឡើងជាតិខ្លាញ់ហួសនៅម្តុំចង្កេះទេ ត្រូវចៀសវាងអាហារ៤មុខនេះឲ្យបាន

2020-11-13 08:24:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បើពិតជាចង់រក្សាចង្កេះឲ្យនៅតូច ចង្កេះអង្រ្កង គួរតែចៀសវាងអាហារ៤មុខនេះឲ្យបាន។

១. Fast Food

ថ្វីបើអាហារប្រភេទ Fast Food ចំណេញពេលនិងងាយស្រួលញ៉ាំក៏ដោយ ប៉ុន្តែកុំភ្លេចថា អាហារទាំងនេះសម្បូរដោយខ្លាញ់ឆ្អែត និងសារជាតិប្រៃខ្ពស់ផងដែរ។ បើនិយាយពីសារធាតុចិញ្ចឹមវិញ គឺមានកម្រិតទាបមិនថាតែវីតាមីន ខនិជ ឬជាតិសសៃនោះទេ។ បើយោងតាមការស្រាវជ្រាវរបស់ TH សាលាផ្នែកសុខភាពសាធារណៈ បង្ហាញថា អ្នកកាន់តែញ៉ាំ Fast Food កាន់តែច្រើន ទម្ញន់នឹងឡើងកាន់តែខ្លាំង ហើយថែមទាំងឡើងបិរមាណខ្លាញ់ទ្រីគ្លីសេរីដនៅជុំវិញចង្កេះទៀតផង។

២. សាច់កែច្នៃ

សាច់ជ្រូក Bacon , ham ឬសាច់ក្រកជាដើម សុទ្ធតែជាអាហារផ្តល់ហានិភ័យសម្រាប់មនុស្សស្រីដែលចង់សម្រកជាតិខ្លាញ់នៅបរិវេណចង្កេះ។

៣. ស្រា

វាត្រូវបានគេចាត់ទុកថាផ្តល់ផលប៉ះពាល់ខ្លាំង ដែលធ្វើឲ្យចង្កេះកាន់តែធាត់ឡើង ព្រោះគ្រឿងស្រវឹងតែងផ្ទុកដោយសារធាតុកាឡូរីក្នុងទម្រង់ផ្សេងៗពីគ្នា ។ ប្រសិនបើអ្នកពិបាកហាមខ្លួនឯងមិនឲ្យផឹកបាន គួរកំណត់ក្នុងបរិមាណសមស្របដើម្បីកាត់បន្ថយការឡើងគីឡូនៅម្តុំចង្កេះខ្លាំងពេក។

៤. ភេសជ្ជៈផ្អែមៗ

ភេសជ្ជៈមានរសជាតិផ្អែមៗ មិនថាជាប្រភេទភេសជ្ជៈកំប៉ុង ឬភេសជ្ជៈសម្រាប់អ្នកកីឡា សុទ្ធតែផ្ទុកដោយជាតិកាឡូរី។ បើយោងតាមការសិក្សាពីគ្លីនីកចំណីអាហារនិងការសែតអាមេរិច កាលពីខែកុម្ភៈ ឆ្នាំ២០១៤ ឲ្យដឹងថា ភេសជ្ជៈទាំងអស់នោះ ធ្វើឲ្យកើនឡើងជាតិខ្លាញ់នៅបរិវេណចង្កេះខ្លាំង។ ដូច្នេះ យើងសូមណែនាំលោកអ្នកឲ្យងាកមកផឹកភេសជ្ជៈបែបទឹកផ្លែឈើស្រស់ៗដែលគ្មានដាក់ស្ករវិញ ដើម្បីជួយសម្រួលជាតិខ្លាញ់នៅម្តុំចង្កេះនិងបន្ថែមភាពស្រស់ស្អាតសម្រាប់ស្បែករាងកាយផងដែរ៕