កំពូលតារាបណ្ដាញសង្គមចិន រកលុយបានលានដុល្លារ រាល់ពេល livestream ម្ដងៗ

2020-11-16 01:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បុគ្គលល្បីៗនៅលើបណ្ដាញសង្គមទាំងនេះ សុទ្ធតែជាកំពូលតារាបណ្ដាញសង្គម ដោយរាល់វត្តមានរបស់ពួកគេម្ដង អាចរកចំណូលខ្ពស់ជាងកំពូលតារាទៅទៀត។

ចាប់តាំងពីបណ្ដាញសង្គមបង្កើតកម្មវិធី livestream មក មនុស្សជាច្រើនបានដុះគំនិត ប្រើប្រាស់កម្មវិធីនេះដើម្បីបង្កើតជំនួញផ្ទាល់ខ្លួន។ នៅក្នុងចំណោមនោះដែរ ឥទ្ធិពលរបស់តារាបណ្ដាញសង្គមក៏កាន់តែធំជាងមុន ដោយរាល់ការឡាយផ្ទាល់របស់ពួកគេ អាចរកចំណូលបានមិនតិចឡើយ។ ដោយឡែកតារាបណ្ដាញសង្គមដែលរកលុយបានច្រើនជាងគេពីការឡាយនេះ គ្មានអ្នកណាក្រៅពីតារាមកពីប្រទេសចិនឡើយ ដោយម្នាក់ៗអាចរកលុយបានដល់ទៅរាប់សិបលានដុល្លារ ក្នុងការឡាយម្ដងៗ។ ខាងក្រោមនេះគឺជាបុគ្គលល្បីលើបណ្ដាញសង្គមដែលមានឥទ្ធិពលធំជាងគេនៅចិន។

១. រាជិនី ឡាយលក់ឥវ៉ាន់ Wei A

Huang Wei Ah ពិធីករទូរទស្សន៍ និងតារាបណ្ដាញសង្គម ត្រូវបានគេចាត់ទុកថាជារាជិនីឡាយលក់ឥវ៉ាន់ ដោយចំណូលឆ្នាំ២០១៩ របស់នាងគឺទទួលបាន ៣០លានដុល្លារ ក្រោយពេលឡាយលក់ឥវ៉ាន់ឲ្យម៉ាកយីហោផ្សេងៗជាច្រើន។ ដោយគ្រាន់តែនៅថ្ងៃទី ១១ ខែ១១ ឆ្នាំ២០១៩ នាងទទួលបានការកម្ម៉ង់ទាំងអស់ ៥៥៥លានយាន់ (៨៣លានដុល្លារ)។ ហើយកាលពីខែឧសភាមុននេះ នាងបានបំបែកឯកតកម្មអ្នកទស្សនាកម្មវិធី Oscar ដោយនៅពេលនាងឡាយមានអ្នកចូលមើលដល់ទៅ ៣៧លាននាក់ ច្រើនជាងកម្មវិធីប្រគល់រង្វាន់ភាពយន្តរបស់អាមេរិកខាងលើទៅទៀត។

២. រាជិនី Taobao Zhang Da Yi

តារាម៉ូដែលកើតឆ្នាំ ១៩៨៨ រូបនេះ មានអាជីពដើមជាម៉ូដែល តែក្រោយពេលខោអាវដែលនាងស្លៀកលក់ដាច់ពេក ទើបនាងបង្វែរមករកជំនួញលក់ខោអាវវិញ ដោយក្រុមហ៊ុនយក្ស Alibaba បានបោះទុនចូលក្រុមហ៊ុននាង ៤៥លានដុល្លារ។ ចំណែកការឡាយលក់វិញ នៅឆ្នាំ ២០១៩ នាងទទួលបានចំណូលសរុប ៤៥លានដុល្លារ ពីការឡាយលក់លើ Taobao ពោលគឺមានចំណូលខ្ពស់ជាងកំពូលតារាសម្ដែងស្រី Fan Bingbing ដែលមានចំណូលតែ ២១លានដុល្លារនៅឆ្នាំដូចគ្នាផងដែរ។

៣. អធិរាជលក់ឡាយ Li Jia Qi

មុននេះបន្តិច កំពូលតារាបណ្ដាញសង្គម Li Jia Qi បានធ្វើឲ្យគេមិនជឿនៅពេលការឡាយផ្ទាល់របស់លោកទទួលបានចំនួនអ្នកមើល ១៥០លាននាក់។ កាលពីថ្ងៃបុណ្យអ្នកនៅលីវ ទី១១ ខែ១១ឆ្នាំមុន អធិរាជរូបនេះ លក់ឥវ៉ាន់ចេញបានសរុប ១៤៥លានដុល្លារ ដោយលក់ក្រែមបាន ១៥០០០ដើម ក្នុងរយៈពេល ៥នាទី។ ទ្រព្យសរុបរបស់ប្រុសស្អាត ២៨ឆ្នាំត្រូវបានគេសន្និដ្ឋានមិនក្រោម ១០០លានដុល្លារ៕