ឡូយបាត់! កុមារី យ៉ង់ ស្រីនីត ក្លាយជាតួអង្គសម្ដែងសំខាន់ក្នុងរឿងមួយរបស់ផលិតកម្ម អិល ឌី
- 2020-11-17 05:37:32
- ចំនួនមតិ 0 | ចំនួនចែករំលែក 0
ឡូយបាត់! កុមារី យ៉ង់ ស្រីនីត ក្លាយជាតួអង្គសម្ដែងសំខាន់ក្នុងរឿងមួយរបស់ផលិតកម្ម អិល ឌី
ចន្លោះមិនឃើញ
ស្នាដៃសម្ដែងភាពយន្តដំបូងរបស់កុមារី យ៉ង់ ស្រីនីត នឹងចូលមកបម្រើចក្ខុរបស់ប្រិយមិត្តនៅចុងខែវិច្ឆិកា ឆ្នាំ២០២០ នេះ ហើយ ដោយមានការយឹតយោងឲ្យចូលថតក្នុងផលិតកម្ម អិល ឌី ពីសំណាក់នាយពាក់មី។
នាយពាក់មី បានប្រាប់ Sabay នៅមុននេះបន្តិចថា រូបលោកបានទាក់ទងទៅគ្រួសារកុមារី យ៉ង់ ស្រីនីត រួចហើយ ដោយប្រាប់ឲ្យម្ដាយ និងស្រីនីត ឡើងពីស្រុកកំណើតនៅខេត្តមណ្ឌលគីរី មកភ្នំពេញនៅថ្ងៃទី១៩ ខែវិច្ឆិកា ដើម្បីស្នាក់នៅផ្ទះរបស់លោក១យប់ រួចចេញថតរឿងអប់រំខ្លីមួយនៅថ្ងៃទី២០ ខែវិច្ឆិកា ខាងមុខនេះ។
នាយពាក់មី៖"ពេលគាត់ឡើងមកដល់ឲ្យគេងបន្ទប់ជាមួយកូនខ្ញុំ ព្រោះកូនខ្ញុំប៉ុណ្ណឹងដែរ។ ចំពោះប្រាក់កម្រៃសម្រាប់គាត់យើងឲ្យក្នុងន័យមនោសញ្ចេតនាសិនទេ ហើយបើគាត់សម្ដែងបានល្អយើងអាចមានរឿងក្រោយៗទៀតសម្រាប់គាត់ ឥឡូវរឿងប្រាក់កម្រៃអីនឹងសុំលាក់សិន"។
នាយពាក់មីបញ្ជាក់ថា រឿងអប់រំខ្លីដែលមានចំណងជើងថា"លួចទូរស័ព្ទ" នឹងត្រូវប្រើពេលថត ១ថ្ងៃពេញ ដោយក្រុមការងារផលិតកម្ម អិល ឌី។ សាច់រឿងទាំងស្រុងត្រូវកាត់យកចន្លោះពី៥ ទៅ១០នាទីប៉ុណ្ណោះ ហើយវានឹងចេញនៅលើផេកផ្លូវការរបស់ផលិតកម្ម អិល ឌី ក្នុងរយៈពេលពីរ ឬបីថ្ងៃក្រោយថតចប់សព្វគ្រប់។
រឿងរ៉ាវរបស់កុមារីសម្បុរស្រអែមរស់នៅជនបទក្នុងខេត្ដមណ្ឌលគីរី ឈ្មោះ យ៉ង់ ស្រីនីត ដែលមានបំណងចង់ប្រឡូកក្នុងវិស័យសិល្បៈតាមរយៈការច្រៀងរបស់ខ្លួននោះ បានធ្វើឲ្យអ្នកលេងហ្វេសប៊ុកផ្អើលប៉ុន្មានថ្ងៃមកហើយ ដោយអ្នកខ្លះចាប់អារម្មណ៍លើរូបសម្បត្តិរបស់នាង និងខ្លះទៀតចាប់អារម្មណ៍ពីទឹកដមសំនៀងគួបផ្សំនឹងការតាំងចិត្ដចង់ចូលប្រឡូកក្នុងវិស័យសិល្បៈរបស់នាង។ ទើបពេលនេះ បានធ្លាយដល់នាយពាក់មីក៏ហៅនាងថតតែម្ដង៕