តារាសម្ដែងប្រុសល្បីឈ្មោះតៃវ៉ាន់ ស្គមរីងរៃ ចាស់មុនអាយុ ចំណាំស្ទើរមិនចង់បាន

2020-11-18 01:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាសម្ដែង និងចម្រៀងប្រុសតៃវ៉ាន់ Tang Zhi Bing ធ្លាប់ជាតារាសម្ដែងមានប្រជាប្រិយភាព។ ប៉ុន្មានឆ្នាំចុងក្រោយនេះ ដោយសារតែគ្មានគម្រោងថ្មី ធ្វើឲ្យរូបសម្បត្តិរបស់លោកធ្លាក់ចុះ ជំពាក់បំណុលជុំទិស។

កាលពីថ្ងៃទី ១៦ ខែវិច្ឆិកាមុននេះ បណ្ដាញព័ត៌មាន ETtoday បានរាយការណ៍ថា តារាសម្ដែងប្រុសតៃវ៉ាន់ Tang Zhi Bing រយៈពេលប៉ុន្មានឆ្នាំមកនេះ មិនមានស្នាដៃអ្វីថ្មីនោះឡើយ។ ថ្មីៗនេះបំផុត លោកជួបជុំជាមួយមិត្តក្នុងសិល្បៈ រូបភាពដ៏ទ្រុឌទ្រោមរបស់លោក ធ្វើឲ្យគេសោកសង្វេគជាខ្លាំង។

ប្រភពដដែលបានឲ្យដឹងថា តារាខាងលើមិនមានជំងឺអ្វីឡើយ គ្រាន់តែស្រកគីឡូតែប៉ុណ្ណោះ។ ដោយលោកមានកម្ពស់ ១.៨៤ម ហើយកាលពីមុនមានទម្ងន់ ៧៥គីឡូ តែមកដល់បច្ចុប្បន្ន លោកស្រកនៅសល់ ៦៧គីឡូប៉ុណ្ណោះ។ រូបសម្បត្តិនៅពេលនេះរបស់ប្រុសស្អាត ៤២ឆ្នាំ ធ្វើឲ្យគេមើលសឹងមិនស្គាល់ ដោយស្លេកស្លាំង និងចាស់ទ្រុឌទ្រោម។

Tang Zhi Bing ចាប់ផ្ដើមល្បីឈ្មោះខ្លាំង ក្រោយឈ្នះការប្រកួតកំពូលម៉ូដែលនៅឆ្នាំ ២០០៦ ហើយចាប់ផ្ដើមវាយលុកទីផ្សារភាពយន្ត។ ដោយអំឡុងពេលនោះ លោកគឺជាតារាជួរមុខនៅតៃវ៉ាន់តែម្ដង។ តែដោយសាររូបរាងកាន់តែស្គមទៅៗ លោកចាប់ផ្ដើមលែងទទួលបានគម្រោងថ្មី ហើយធ្លាក់ខ្លួនជំពាក់បំណុលដោយសារតែគ្មានលុយបង់ថ្លៃផ្ទះ និងចំណាយនានា៕