មូលហេតុ២ ដែលជប៉ុនដាំផ្លែឪឡឹកឲ្យមានរាងជ្រុងបែបនេះ!
- 2020-11-19 06:05:39
- ចំនួនមតិ 0 | ចំនួនចែករំលែក 0
មូលហេតុ២ ដែលជប៉ុនដាំផ្លែឪឡឹកឲ្យមានរាងជ្រុងបែបនេះ!
ចន្លោះមិនឃើញ
ជិត១ទសវត្សទៅហើយដែលជប៉ុននិយមដាំផ្លែឪឡឹកឲ្យមានរាងបួនជ្រុងខុសពីផ្លែឪឡឹកមូលធម្មតា។ បើយោងតាមវិបសាយ What About Watermelon បានឲ្យដឹងថា មានមូលហេតុចំនួន ២ ដែលនាំឪឡឹកនៅជប៉ុនមានរាងជ្រុងដូច្នេះ។
មូលហេតុទី១គឺសំដៅលើការដឹកជញ្ជូន។ បើកាលណាឪឡឹកមានរាងជ្រុង នោះវានឹងងាយស្រួលដាក់គរគ្នានៅពេលដឹកជញ្ជូនទៅលក់។ ចំណែកមូលហេតុទី២គឺផ្ដោតទៅលើការទុកដាក់។ ជនជាតិជប៉ុនជាប្រភេទមនុស្សហ្មត់ចត់ខ្លាំងលើរឿងរៀបចំទុកដាក់របស់របរមិនឲ្យរាយប៉ាយ ហេតុដូច្នេះបើឪឡឹកមានរាងជ្រុង នោះពួកគេនឹងងាយស្រួលទុកដាក់វាឲ្យល្អនៅក្នុងទូទឹកកកតូចៗរបស់ពួកគេ។
សូមបញ្ជាក់ថា ការដាំដុះឪឡឹកជ្រុងមិនពិបាកនោះទេ។ ពេលផ្លែឪឡឹកនៅតូច កសិករអាចដាក់ប្រអប់៤ជ្រុងនៅព័ទ្ធជុំវិញវា។ ពេលក្ដឹបឪឡឹកលូតលាស់ធំ វានឹងប្រែរាងទៅតាមប្រអប់មិនខាន។ គួរចងចាំថា ប្រអប់ជ្រុងដែលដាក់ព័ទ្ធជុំវិញឪឡឹកត្រូវធ្វើពីកែវ ឬក៏ជ័រថ្លា ដើម្បីឲ្យពន្លឺព្រះអាទិត្យអាចចាំងចូលដល់ផ្លែឪឡឹកបាន៕