គ្រាន់តែឃើញរបស់នេះភ្លាម! អ៊ីស្រាអែល ហោះទៅវាយប្រហារទ័ពស៊ីរី និងអ៊ីរ៉ង់ទាំងយប់

2020-11-19 04:51:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ៊ីស្រាអែល បានបើកការវាយប្រហារទាំងយប់តាមផ្លូវអាកាសលើមូលដ្ឋានទ័ពក្នុងប្រទេសស៊ីរី បន្ទាប់ពីខ្លួនបានរកឃើញគ្រាប់ផ្ទុះតាមបន្ទាត់ព្រំដែន ក្នុងតំបន់ Golan Height។ នេះបើតាមការប្រកាសរបស់យោធាអ៊ីស្រាអែល កាលពីថ្ងៃទី១៨ ខែវិច្ឆិកា ឆ្នាំ២០២០។

រូបតំណាង

ការវាយប្រហារនេះ បានធ្វើឱ្យទាហានស៊ីរីស្លាប់យ៉ាងហោច ៣នាក់ និងទាហានអ៊ីរ៉ង់ស្លាប់ ៥នាក់។

សេចក្តីថ្លែងការណ៍របស់យោធាអ៊ីស្រាអែល ឱ្យដឹងថា យន្តហោះចម្បាំងរបស់ខ្លួន បានវាយប្រហារទៅលើគោលដៅទ័ព Qud របស់អ៊ីរ៉ង់ និងទ័ពស៊ីរី ដែលរួមមាន ឃ្លាំងស្តុកអាវុធ បញ្ជាការដ្ឋាន និងបរិវេណយោធា ព្រមទាំងប្រព័ន្ធការពារមីស៊ីលរបស់ស៊ីរីផងដែរ។

សូមជម្រាបថា កាលពីថ្ងៃទី១៧វិច្ឆិកា យោធាអ៊ីស្រាអែល បានរកឃើញគ្រឿងផ្ទុះ (IEDs) ក្នុងទឹកដីរបស់ខ្លួននៅតំបន់ Golan Heights ដែលស្ថិតនៅជាប់ព្រំដែនជាមួយស៊ីរី។ អ៊ីស្រាអែល បានហៅការរកឃើញនេះថា ជាភស្តុតាងបញ្ជាក់ពីវត្តមានទ័ពអ៊ីរ៉ង់ ក្នុងប្រទេសស៊ីរី៕

ប្រភព៖ Aljazeera ប្រែសម្រួល៖ សំភី