កុំមើលស្រាលឲ្យសោះ! មានស្បែក និងភ្នែកលឿងបែបនេះ អាចជាជំងឺមហារីក

  • 2020-11-19 09:08:56
  • ចំនួនមតិ 0 | ចំនួនចែករំលែក 3

ចន្លោះមិនឃើញ


អ្វីជាមហារីកលំពែង? មហារីកលំពែង ជាជំងឺកម្រ (rare) តែកាចសាហាវ (agressif) ហើយភាគច្រើនកើតលើមនុស្សប្រុសអាយុចាប់ពី ៤០ឆ្នាំឡើងទៅ។ ៨០%នៃជំងឺនេះ ភាគច្រើនកើតនៅក្បាលលំពែងជាងខ្លួន និងកន្ទុយលំពែង។

មូលហេតុ និងកត្តារួមផ្សំ (Causes et facteur de risque) គេនៅមិនទាន់រកឃើញអំពីមូលហេតុពិត ប្រាកដនៃជំងឺមហារីកលំពែងនេះនៅឡើយទេ ប៉ុន្តែមានកត្តារួមផ្សំមួយចំនួនដែលអាចបង្កអោយមានជំងឺមហារីកនេះ៖

  • ទឹកនោមផ្អែម
  • រលាកលំពែងរ៉ាំរ៉ៃ
  • ស្រា និងបារី
  • អាហារសំបូរទៅដោយខ្លាញ់ និងសាច់សត្វ
  • និងកត្តាដំណពូជផ្សេងៗទៀត

រោគសញ្ញា៖

  • គេពិបាកនឹងឃើញរោគសញ្ញាជាក់លាក់ណាស់ វាកើតឡើងដោយស្ងៀមស្ងាត់ ហើយអ្នកជំងឺអាចឈឺនៅចុងដង្ហើម ដែលធ្វើអោយអ្នកជំងឺមិនសូវឃ្លាន ឬថយចំណង់អាហារ។
  • អាចរាគមួល
  • មានទឹកនោមផ្អែម
  • ឡើងលឿង នៅលើស្បែក និងភ្នែក
  • ស្រកទម្ងន់

ការព្យាបាល៖ ការព្យាបាលគឺអាស្រ័យទៅលើទីតាំងរបស់ដុំមហារីក ដោយពឹងផ្អែកទៅលើវិធីវះកាត់។ គ្រូពេទ្យវះកាត់ នឹងកាត់យកបំណែកណាមួយនៃលំពែងដែលមានដុំមហារីក។ ក្រោយវះកាត់រួច អ្នកជំងឺអាចត្រូវព្យាបាលបន្ថែមដោយថ្នាំគីមី ឬបាញ់កាំរស្មី៕

ប្រភព៖ មន្ទីពេទ្យកាល់ម៉ែត

;