រដ្ឋមន្រ្តីការបរទេសហុងគ្រី បង្ហោះសារភ្លាមៗក្រោយជាសះស្បើយពីកូវីដ
- 2020-11-20 04:55:15
- ចំនួនមតិ 0 | ចំនួនចែករំលែក 0
រដ្ឋមន្រ្តីការបរទេសហុងគ្រី បង្ហោះសារភ្លាមៗក្រោយជាសះស្បើយពីកូវីដ
ចន្លោះមិនឃើញ
លោក Peter Szijjarto រដ្ឋមន្រ្តីការបរទេស និងពាណិជ្ជកម្មហុងគ្រី បានប្រកាសថា លោកបានជាសះស្បើយពីជំងឺកូវីដ១៩ហើយ ដោយលោកអាចវិលទៅជួបភរិយា និងកូនៗរបស់លោក។
លោកបានបង្ហោះសារនៅលើទំព័រហ្វេសប៊ុកកាលពីយប់មិញយ៉ាងដូច្នេះថា៖ «វា (កូវីដ១៩) បានចប់ហើយ។ ការធ្វើតេស្តរបស់ខ្ញុំថ្ងៃនេះ (ថ្ងៃព្រហស្បត្តិ៍ម្សិលមិញ) គឺអវិជ្ជមាន។ ខ្ញុំបានស៊ូទ្រាំយ៉ាងលំបាកក្នុងរយៈពេលដ៏យូរ ១៧ថ្ងៃក្នុងឆាកជីវិតរបស់ខ្ញុំ ប៉ុន្តែទីបំផុតថ្ងៃនេះ ខ្ញុំអាចជួប Szilvi (ភរិយា) និងកូនវិញហើយ»។
ជាមួយគ្នានេះ លោកក៏បានសម្តែងការអរគុណ ដល់អ្នកដែលតែងតែផ្ញើសារលើកទឹកចិត្ត និងគាំទ្រលោក ជាពិសេសអ្នកដែលជូនពរលោកឱ្យឆាប់ជាសះស្បើយផងដែរ។
សូមរំលឹកថា លោក Peter Szijjarto ត្រូវបានរកឃើញថាឆ្លងកូវីដ១៩ នៅប្រទេសថៃ កាលពីថ្ងៃទី៤វិច្ឆិកាកន្លងទៅ បន្ទាប់ពីចាកចេញពីកម្ពុជា៕