Haaland ក្លាយជាម្ចាស់ពាន Golden Boy ២០២០ សំឡេងគាំទ្រច្រើនជាងជើងខ្លាំង ៣ នាក់ទៀត

2020-11-21 11:04:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទីបំផុតខ្សែប្រយុទ្ធវ័យក្មេង Erling Haaland មានក្លាយជា ម្ចាស់ពាន European Golden Boy ឆ្នាំ ២០២០ ក្រោយពេលបានទទួលបានសំឡេងគាំទ្រច្រើនជាង បេក្ខភាពលេចធ្លោ ៣ រូបទៀតដូចជា ខ្សែប្រយុទ្ធ Ansu Fai លេងឲ្យ Barcelona លេខ ២, ខ្សែការពារ Alphonso Davies លេងឲ្យ Bayernលេខ ៣ និងខ្សែប្រយុទ្ធរួមក្រុម Jadon Sancho លេខ ៤ ។ ពានរង្វាន់នេះជា ពានយុវជនឆ្នើមៗបំផុតអាយុក្រោម ២១ ឆ្នាំប្រចាំទ្វីបអឺរ៉ុប។

កីឡាករសញ្ជាតិន័រវេសអាយុ ២០ឆ្នាំរូបនេះ លេងឲ្យក្លឹបអូទ្រីស RedBul Salzburg កាលពីឆ្នាំ ២០១៩ ចំនួន ១៨ប្រកួតស៊ុតបាន ១៦គ្រាប់ បានផ្ទេរមកកាន់ក្លឹបអាឡឺម៉ង់ Borussia Dortmund ។

បើគិតការគ្រាប់ការប្រកួតទាំងពីរក្លឹបនោះ គេស៊ុតបញ្ចូលទីសរុប ៤៤ គ្រាប់។ សម្រាប់រដូវកាល ២០២០-២០២១ Haaland បង្ហាញខ្លួនបាន ១១ ដងស៊ុតបញ្ចូលទីបាន ១១គ្រាប់ជាចំនួនច្រើនជាងបេក្ខភាព៣ខាងលើ។

រូបភាពលីគ Bundesliga

ជម្រាបជូនដែរថា យ៉ាងតិចណាស់មានយុវជនល្អៗដែលកំពុងលេចធ្លោ បង្ហាញសមត្ថភាពនៅក្លឹបធំៗក្នុងបណ្ដាលីគអឺរ៉ុបចំនួន ១០០ នាក់ដែលស្ថិតនៅលើបញ្ជីដំបូងនេះ។ សម្រាប់ឆ្នាំ ២០២០ តារាងបញ្ជីឈ្មោះត្រូវបានដាក់ឲ្យបោះឆ្នោតជាសាធារណៈនៅលើវិបសាយ tuttosport នឹងត្រូវជម្រុះរហូតសល់ ២០ នាក់ចុងក្រោយ។

Top 10 នឹងត្រូវយកចេញពីលទ្ធផលបោះឆ្នោតដោយអ្នកកាសែតតំណាងប្រទេសកីឡាករនីមួយៗ ៤០ រូប ដើម្បីសម្រេចយកតែម្នាក់ជា អ្នកឈ្នះពាន លទ្ធផលនឹងត្រូវប្រកាសអំឡុងខែ ធ្នូ រៀងរាល់ឆ្នាំ។

ពានរង្វាន់នេះ បង្កើតឡើងដោយកាសែតអ៊ីតាលី tuttosportនៅឆ្នាំ ២០០៣ អ្នកឈ្នះដំបូងគឺអតីតកីឡាករ Ajax លោក Rafael van der Vaart បន្តមកឆ្នាំ ២០០៤ កីឡាករ Wayne Rooney ឆ្នាំ ២០០៥ កីឡាករ Lionel Mesi និងឆ្នាំបន្តបន្ទាប់កីឡាករ Sergio Aguero, Mario Balotelli, Paul Pogba Raheem Sterling រីឯKylian Mbappe ឈ្នះនៅឆ្នាំ ២០១៧ ខ្សែការពារឆ្នើមរបស់ក្រុម Ajax កីឡាករ Matthijs De Ligt ឈ្នះនៅឆ្នាំ ២០១៨ និង Joao Felix ខ្សែប្រយុទ្ធក្លឹបAtletico Madrid ឈ្នះនៅឆ្នាំ ២០១៩ ៕

ប្រភព៖ ESPN FC ប្រែសម្រួល៖ រក្សា