ថៃ ព្រមានមិនទិញអគ្គិសនីពីឡាវ
- 2020-11-25 03:03:10
- ចំនួនមតិ 0 | ចំនួនចែករំលែក 0
ថៃ ព្រមានមិនទិញអគ្គិសនីពីឡាវ
ចន្លោះមិនឃើញ
រដ្ឋាភិបាលថៃ បានព្រមានមិនទិញអគ្គិសនីពីទំនប់ Sanakham នៅក្នុងប្រទេសឡាវ បន្ទាប់ពីដឹងថាគម្រោងទំនប់វារីអគ្គិសនីនេះ អាចបង្កផលប៉ះពាល់ដល់ទន្លេមេគង្គ។
លោក Somkiat Prajamwong អគ្គលេខាធិការការិយាល័យធនធានទឹកជាតិនៃប្រទេសថៃ បានថ្លែងបញ្ជាក់ក្នុងសិក្ខាសាលាមួយកាលពីថ្ងៃទី២៤ ខែវិច្ឆិកា ឆ្នាំ២០២០ ថា «យើងនឹងមិនឯកភាពចំពោះគម្រោងនេះទេ ប្រសិនបើយើងគ្មានភស្តុតាងថា ទន្លេមេគង្គនឹងមិនរងផលប៉ះពាល់»។
លោកបន្តថា អាជ្ញាធរថៃមានការបារម្ភថា ទីតាំងទំនប់វារីអគ្គិសនី Sanakham គឺនៅកៀកទន្លេមេគង្គដែលជាព្រំដែនប្រទេសទាំងពីរខ្លាំងពេក ដែលអាចប៉ះពាល់ដល់ប្រព័ន្ធអេកូឡូស៊ី និងជីវភាពប្រជាជនដែលរស់នៅបណ្តោយទន្លេនេះ។
រដ្ឋាភិបាលឡាវ គ្រោងសង់ទំនប់វារីអគ្គិសនីកម្លាំង ៦៨៤មេហ្គាវាត់។ ការសាងសង់នេះ ធ្វើឡើងដោយក្រុមហ៊ុនចិន ដោយគ្រោងនឹងបញ្ចប់នៅឆ្នាំ២០២៨៕