បាល់២គ្រាប់​របស់​វីរបុរសអាហ្សង់ទីន Diego Maradona ដែល​ស៊ុតចូល​អង់គ្លេស ក្នុងពាន​រង្វាន់ World Cup 1986 វគ្គ៨ក្រុមចុងក្រោយ ត្រូវបានពិភពលោកចងចាំមកដល់បច្ចុប្បន្ន។ ២គ្រាប់នេះ ត្រូវបានគេហៅថា គ្រាប់បាល់ប្រចាំ​សតវត្សរ៍ (Goal of Century) និងដៃព្រះ (Hand of God)។

គ្រាប់បាល់​ប្រចាំសតវត្សរ៍ គឺនៅពេលដែល Maradona អូសបាល់តាំងពីក្រោម​ញាក់ដាច់​កីឡាករអង់គ្លេសជាច្រើននាក់ និងស៊ុតចូលទីយ៉ាងស្អាត។ ចំណែកគ្រាបបាល់ដៃព្រះ គឺ​ជាគ្រាប់បាល់ដែល Maradona ប្រើដៃទះបញ្ចូលទី​អង់គ្លេស ហើយ​ត្រូវបានអាជ្ញាកណ្តាល​សម្រេចឱ្យគ្រាប់បាល់នេះ។

សូមជម្រាប​ថា ក្នុងការប្រកួតនេះ គឺអាហ្សង់ទីន បានយកឈ្នះអង់គ្លេស ២-១ ហើយ​បន្តឡើង​ទៅ​វគ្គពាក់កណ្តាល​ផ្តាច់ព្រ័ត្រឈ្នះ បែលហ្សិក ២-០ (ដោយ Maradona ទាំង២គ្រាប់) និង​ឈ្នះអាល្លឺម៉ង់ខាងលិច ៣-២​ នៅវគ្គផ្តាច់ព្រ័ត្រ លើកពាន World Cup ជាលើកទី២តែម្តង៕

សូមទស្សនាវីដេអូខាងក្រោម៖

ប្រភព៖ cbssport