ម៉ាឡេស៊ី បាន​ប្រកាស​ទិញ​វ៉ាក់សាំងកូវីដ១៩ ចំនួន ១២,៨លានដូស ពីក្រុមហ៊ុន Pfizer ដែល​ធ្វើឱ្យម៉ាឡេស៊ី ក្លាយ​ជាប្រទេសទីមួយ​ក្នុងតំបន់អាស៊ាន ​ទិញវ៉ាក់សាំង​ពីក្រុមហ៊ុន​អាមេរិក។

លោកនាយករដ្ឋមន្រ្តី Muhyiddin Yassin បាន​បញ្ជាក់​កាលពីថ្ងៃទី២៧ ខែវិច្ឆិកា ឆ្នាំ​២០២០ថា ម៉ាឡេស៊ី នឹង​ផ្តល់​អាទិភាព​លើការចាក់វ៉ាក់សាំងនេះ ទៅឱ្យក្រុមជនងាយរងគ្រោះ។

ក្រុមហ៊ុន Pfizer នឹង​បញ្ជូន​វ៉ាក់សាំងកូវីដ១៩ ចំនួន ១លានដូស​ដំបូង ឱ្យម៉ាឡេស៊ី ក្នុងត្រីមាសទី១ នៃឆ្នាំ២០២១ និងឆមាសទី២ ទី៣ ចំនួន ៥,៨លានដូស និង ៤,៣លានដូស។

កិច្ចព្រមព្រៀងនេះ រំពឹងថា ប្រជាជនម៉ាឡេស៊ី ៦,៤លាននាក់ ឬ ២០% នឹង​ទទួលបានការចាក់វ៉ាក់សាំងនេះ ដោយ​មិនគិតថ្លៃ។

ទិន្នន័យចុងក្រោយបង្ហាញថា វ៉ាក់សាំងរបស់ Pfizer មានប្រសិទ្ធភាព​ ៩៥% ខណៈ​ប្រទេស​ជាច្រើនមានការបារម្ភថា វ៉ាក់សាំងនេះ​មានការពិបាករក្សាទុក ព្រោះត្រូវការភាពត្រជាក់ខ្លាំងរហូតដល់ -៧០អង្សារសេ៕