វីដេអូ អ្នកចាំទីក្មេងខ្ចី Liverpool សង្គ្រោះបាល់ចុងម៉ោងធ្វើបាន Clean sheet

2020-12-02 03:50:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Caoimhin Kelleher អ្នកចាំទីសញ្ជាតិអៀរឡង់ ដែលមានអាយុទើបតែ ២២ ឆ្នាំប៉ុណ្ណោះ ប៉ុន្តែត្រូវបានអ្នកចាត់ការលោក Jurgen Klopp ផ្តល់ទំនុកចិត្ត សម្រេចបញ្ចូលក្នុងជម្រើស១១នាក់ ជំនួសអ្នកចាំទីដៃទី ២ Adrian នៅកៅអីបម្រុង ស្របពេលដែលអ្នកចាំទីដៃទី ១ Alisson កំពុងរបួស។

Caoimhin និង Jurgen Klopp /រូបភាព៖ GettyImage

ក្រុម Liverpool អាចយកឈ្នះ ១-០ លើក្រុម Ajax នៅទឹកដី Anfield យប់មិញ។ ១គ្រាប់នោះរកបានកីឡាករវ័យក្មេង Curtis Jones នាទី៥៨ ។ លទ្ធផលនៅជុំទី៥ នេះបានជួយឲ្យ ហង្សក្រហម រកពិន្ទុបាន១២គ្រប់គ្រាន់ឡើងទៅវគ្គ ១៦ ក្រុមចុងក្រោយជាមួយ Manchester City និង Chelsea ពាន UEFA Champions League ។

ខណៈដែលឱកាសស៊ុតរបស់ក្រុមទាំងពីរប្រហាក់ប្រហែលគ្នា ជាពិសេសនៅចុងម៉ោង Ajax ដាក់សម្ពាធហង្សក្រហមវិះតែនឹងរកគ្រាប់បាល់តាមស្មើបានទៅហើយ តែសង្គ្រោះបានដោយ Caoimhin ។ បើគិត៩០នាទីពេញយប់មិញ Caoimhin ទប់មិនឲ្យគេស៊ុតចំគោលដៅ ៣ដងពីការប៉ុនប៉ង ៤លើក។

ស្ថិតិនេះបានធ្វើឲ្យគេក្លាយជា អ្នកចាំទីទី ២ ដែលមានអាយុក្រោម ១៨ ឆ្នាំធ្វើបាន Clean sheet ក្នុងការបង្ហាញខ្លួនលើកដំបូងឲ្យ Liverpool បន្ទាប់ពីឆ្នាំ ២០០២ ធ្លាប់មានអ្នកចាំទីម្នាក់ដែរធ្វើបានបែបនេះគឺ Chris Kirkland ពេលលេងទល់នឹងក្រុមតួកគី Galatasaray ។ ទស្សនាវីដេអូខាងក្រោម៖