វាសនា ​Real Madrid ​ធ្លាក់​ទៅ​ Europa League ​ឬ​ឡើង​វគ្គ​បន្ត​ UCL នឹង​សម្រេច​នៅ១​ប្រកួត​ចុង​ក្រោយ​

  • 2020-12-02 04:20:52
  • ចំនួនមតិ 0 | ចំនួនចែករំលែក 0

ចន្លោះមិនឃើញ


​ក្រុម​ខ្លាំង​របស់​អ៊ុយក្រែន Shakhtar Donetsk ​បាន​យក​ឈ្នះ ២-០ លើ​ ​Real Madrid ​នៅ​ជុំ​ទី ៥ ​នៅ​ទឹក​ដី​របស់​ខ្លួន​វគ្គ​សន្សំ​ពិន្ទុ​តាម​ពូល​ ​យប់​មិញ​នេះ។ ​លទ្ធផល​នេះ​បាន​ធ្វើ Real Madrid ​រង​បរាជ័យ​​​ទាំង​ពីរ​ជើង​ទល់​នឹង​ Shakhtar ។

យ៉ាងណា​មិញ​ ​លទ្ធភាព​របស់​​ក្រុម​អធិរាជ​សេះ​ស ​នៅ​មាន​​នៅ​ឡើយ​គឺ ១ប្រកួត​ចុង​ក្រោយ​ដើម្បី​​ប្រជែង​កៅអី​ឡើង​ទៅ​វគ្គ​១៦ ​ក្រុម​ចុងក្រោយ UEFA Champions League ​។

Real Madrid ជម្រើស ១១ នាក់ដំបូង
​បើ​មើល​តារាង​ពិន្ទុ​ក្នុង​ពូល B ​កំពុង​ប្រទាញ​ប្រទង់​គ្នា​នៅ​ឡើយ​មិន​ទាន់​មាន​ក្រុម​ណា​ដាច់​ពិន្ទុ​ដូច​ពូល​ផ្សេង​នោះ​ទេ។ ​ករណី​នេះ​ប្រសិន​ Real Madrid ​ឈ្នះ​ចុងក្រោយ​នោះ​គឺ​យក​បាន១០ ពិន្ទុ​​គ្រប់​គ្រាន់​ឡើង​ទៅ​​វគ្គ​១៦ ​ក្រុម​ចុងក្រោយ UEFA Champions League ប៉ុន្តែ​បើ​ករណី​ចាញ់​ បញ្ចប់​ត្រឹម​បាត​ពូល ​នឹង​ធ្លាក់​ទៅ​វគ្គ ៣២ ​ក្រុម​ពាន UEFA Europa League ជា​លើក​ដំបូង​ក្នុង​ប្រវត្តិសាស្ត្រ​ក្លឹប។

ជម្រាប​ជូន​ផង​ដែរ​ថា នៅ​ជុំ​ទី ៦ ​Real Madrid ​ត្រូវ​ស្វាគមន៍​ក្រុម​អាឡឺម៉ង់ Borussia Moenchengladbach ​នៅ​ម៉ោង​៣​ថ្ងៃ​ទី ​១០ ខែ​ធ្នូ​ឆ្នាំ ២០២០ (ជើងទី១ស្មើគ្នា ១-១) ចំណែក​​មួយ​គូ​នៅ​ពូល​ដដែល​នោះ​ Inter Milan ​ស្វាគមន៍ Shakhtar Donetsk (ជើងទី១ ស្មើគ្នា ០-០) នៅ​ម៉ោង​ដំណាល​គ្នា។ ដូចនេះ​ មាន​តែ​រង់​ចាំ​ទាំងអស់គ្នា៕

ពូល B

អត្ថបទ៖ រក្សា

;