ក្រសួងប្រកាសឱ្យអ្នកដែលចេញចូលហាង Pedro ផ្លូវព្រះសីហនុ តាំងពីថ្ងៃទី២៧វិច្ឆិកា ធ្វើចត្តាឡីស័ក
- 2020-12-04 07:12:15
- ចំនួនមតិ 0 | ចំនួនចែករំលែក 0
ក្រសួងប្រកាសឱ្យអ្នកដែលចេញចូលហាង Pedro ផ្លូវព្រះសីហនុ តាំងពីថ្ងៃទី២៧វិច្ឆិកា ធ្វើចត្តាឡីស័ក
ចន្លោះមិនឃើញ
លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានប្រកាសឱ្យអ្នកដែលចេញចូលហាង Pedro ផ្លូវព្រះសីហនុ តាំងពីថ្ងៃទី២៧ ខែវិច្ឆិកា ដល់ថ្ងៃទី៣ ខែធ្នូ ឆ្នាំ២០២០ ត្រូវធ្វើចត្តាឡីស័កឱ្យបានត្រឹមត្រូវ និងតាមដានសុខភាពខ្លួន។ លោកស្រីថ្លែងដូច្នេះ ក្នុងកិច្ចសម្ភាសន៍មួយជាមួយទូរទស្សន៍ BTV នាថ្ងៃទី៤ ខែធ្នូ ឆ្នាំ២០២០។
លោកស្រីក៏បានឱ្យដឹងដែរថា ចំពោះអ្នកពាក់ព័ន្ធក្នុងហាងនេះ គឺត្រូវបានយកសំណាកវត្ថុទៅពិសោធន៍អស់ហើយ។
ការប្រកាសខាងលើនេះ ធ្វើឡើងបន្ទាប់ពីក្រសួងបានរកឃើញបុរសជនជាតិខ្មែរអាយុ២២ឆ្នាំម្នាក់ ដែលជាបុគ្គលិកហាង Pedro ផ្លូវព្រះសីហនុ ឆ្លងកូវីដ១៩។ បុគ្គលិកហាងម្នាក់នេះ ជាអ្នកដែលបានប៉ះពាល់ជាមួយអ្នកជំងឺកូវីដជាស្រ្តី និងជាបុគ្គលិកធនាគារអាយុ២១ឆ្នាំដែលបានចូលទៅហាងនោះ៕