លេងអីចឹងហ្មង សូដា នីតា ប្រកាសលក់ផ្ទះ យកលុយបើកផលិតកម្ម

2020-12-08 07:41:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សូដា នីតា នៅវេលាថ្ងៃត្រង់នេះ បានបញ្ចេញឲ្យដឹងរឿងមួយ គឺនាងនឹងលក់ផ្ទះរបស់នាងចេញ ហើយយកលុយពីការលក់នេះទៅបើកផលិតកម្មវិញ។

សាររបស់តារាស្រី បានធ្វើឲ្យមានការចាប់អារម្មណ៍ ក្រោយពីនាងបានបញ្ចេញរឿងនេះនៅលើហ្វេសប៊ុករបស់នាង។ នីតា លើកឡើងថា ក្នុងវេលាកូវីដ ១៩ នាងត្រូវការលុយ។ យ៉ាងណា មិនមានន័យថា នាងជួបរឿងទ័លទើបប្រកាសលក់ផ្ទះនោះទេ ខណៈគេដឹងថា តារាស្រីរូបនេះរស់ក្នុងជីវិតហ៊ឺហារមិនធម្មតា មានទាំងវីឡា និងរថយន្តប្រណិត២គ្រឿងជិះថែមទៀត។

ការដែលនាង លក់គឺដើម្បីយកលុយពង្រីកមុខជំនួញបន្ថែមប៉ុណ្ណោះ។ ម្យ៉ាងផ្ទះនោះ គឺជាផ្ទះដែលសល់ទំនេរចោលប៉ុណ្ណោះ ប្រភេទផ្ទះល្វែង E0+E1 សង្កាត់ទឹកល្អក់ទី៣ ខ័ណ្ឌ ទួលគោក។ សូដា នីតា បានដាក់តម្លៃលក់ ១៨ម៉ឺនដុល្លារអាមេរិក។ គម្រោងលក់ផ្ទះនេះ នាងចង់យកលុយទៅបើកផលិតកម្មមួយ។

នីតា ថ្លែងថា៖ "លក់ផ្ទះ១ល្វែង១ល្វែងតម្លៃ 18.0000$ លក់បានត្រៀមលុយបើកផលិតកម្មភាពយន្ត បើមានអ្នកគ្រាំទ្រ ជួយទិញផងព្រោះខ្ចិលទុកចោល!”។ តម្លៃខាងលើ នាងធានាកាត់ប្លង់រឹងជូនអ្នកដែលទិញថែមទៀត។

ចំពោះបញ្ហានេះ សូដា នីតា បានឆ្លើយប្រាប់តាមសារអេឡិចត្រូនិកថា អ្វីដែលប្រិយមិត្តបានឃើញលើហ្វេសប៊ុកនោះ គឺជាការពិត ពិតមែន។ ជាមួយគ្នា រឿងគ្រោងបើកផលិតកម្មមួយនោះ ក៏ជាការពិតដែរ។ យ៉ាងណាក៏ដោយ នាងមិនបាននិយាយលម្អិតនោះទេ។ នាងថា អ្វីៗចាំលក់ផ្ទះបានលុយសិន។ “ដូចខ្ញុំផុសលើហ្វេសប៊ុកអីចឹង ចាំលក់បានសិនចាំគិតព្រោះត្រូវវការដើមច្រើន ណាមួយសម័យកូវីដផង!"៕

អត្ថបទ៖ ទារិកា