ស្រី​ស្អាត Lan Yan គឺ​ជា​អ្នក​ចម្រៀង និង​ជា​​តារា​សម្ដែង​ស្រី ដែល​​​មាន​ឈ្មោះ​បោះ​សម្លេង​នៅ​លើ​ទឹក​​ដី​​​ចិន-ហុងកុង តាម​រយៈ​ការ​សម្ដែង​រឿង​ក្ដៅ​សាច់​ដ៏​ល្បី​មួយ​កាល​ពី​ឆ្នាំ​២០១១។ កន្លង​មក តារា​​​​​កូន​កាត់​រុស្ស៊ី-ចិន​រូប​នេះ ធ្លាប់​បង្ហើប​ជា​សាធារណៈ​​ប្រាប់​បណ្ដា​សារព័ត៌មាន​អំពី​ចំណង់​ចំណូល​ចិត្ត​​​ផ្លូវ​ភេទ​ដ៏​ចម្លែក​មួយ​របស់​នាង។

អំឡុង​ឆ្នាំ​២០១២ តួ​​​ឯក​ស្រី​ក្នុង​រឿង ""3D Sex and Zen: Extreme Ecstasy" បាន​ទម្លាយ​ថា នាង​​ជា​មនុស្ស​ដែល​​អាច​រួមភេទ​​​ជាមួយ​​ស្រី​ក៏​បាន ប្រុស​ក៏​បាន ពោល​គឺ​មិន​ប្រកាន់​ភេទ​នោះ​ឡើយ។ Lan Yan បាន​បញ្ជាក់​បន្ថែម​ថា អ្វី​ដែល​សំខាន់​គឺ​​​ឲ្យ​តែ​នរណា​​ចេះ​ថ្នាក់ថ្នម​នាង​គឺ​នាង​នឹង​នៅ​ជាមួយ​អ្នក​នោះ​ហើយ។

សូម​រំលឹក​ថា ​​​​​​​​​​​​​Lan Yan ចាប់​អាជីព​សម្ដែង​នៅ​​ឆ្នាំ​២០០៥ ដោយរឿង​ដំបូង​​មាន​ចំណង​ជើង​ថា "Everlasting Regret"។ លុះ​ដល់​ឆ្នាំ​២០០៦ នាង​បាន​ថត​រឿង​ឲ្យ​រុស្ស៊ី មាន​ចំណង​​ជើង​ថា "Potseluy babochki" ដែលផ្ទុះ​ការ​គាំទ្រ​យ៉ាង​សម្បើម។ ​​​​​​​​​​​មក​ដល់​ឆ្នាំ​២០០៧ ​​​​​​​​​​​​​​​​​​​​​​​​​​​​​​Lan Yan ក៏​ត្រូវ​គេ​ហៅ​មក​ឲ្យ​សម្ដែង​នៅ​លើ​ទឹក​ដី​ហុងកុង មក​ទល់​នឹង​សព្វ​ថ្ងៃ៕