រយៈពេល ២ថ្ងៃនេះ តារាណាខ្លះបានបរិច្ចាគថវិកាទិញវ៉ាក់សាំកូវីដ-១៩?

2020-12-09 08:24:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រយៈពេលពីរថ្ងៃ ក្រោយពីប្រមុខរាជរដ្ឋាភិបាល សម្ដេចតេជោ ហ៊ុន សែន អំពាវនាវឲ្យមានការចូលរួមពីវិស័យឯកជន និងសប្បុរសជន ចូលរួមបរិច្ចាគថវិកាផ្ទាល់ខ្លួនតាមលទ្ធភាព ដើម្បីទិញវ៉ាក់សាំងជំងឺកូវីដ-១៩ មានសិល្បករ-សិល្បការិនីខ្មែរចូលរួមបរិច្ចាគជាហូរហែ។

នៅថ្ងៃទី៩ ខែធ្នូ នេះ kley Kley សូមបង្ហាញជូនប្រិយមិត្តនូវសប្បុរសជនចេញពីចង្កោមសិល្បៈចំនួន១៤រូប ដែលបានចេញមុខបរិច្ចាគកាលពីថ្ងៃម្សិលម្ង៉ៃ ម្សិលមិញ និងព្រឹកនេះ។ ការបរិច្ចាគរបស់តារាទាំងនេះសម្រាប់ទិញវ៉ាក់សាំងជាមួយរាជរដ្ឋាភិបាលលើកដំបូងនេះ គឺមានចន្លោះពី២០ម៉ឺនរៀល ទៅដល់១០លានរៀល។

១/ កំពូលតារាចម្រៀងលោក ព្រាប សុវត្ថិ និងគ្រួសារ បានបរិច្ចាគចំនួន១០លានរៀល។

២/ លោក ឆាយ វីរៈយុទ្ធ និងភរិយា បានបរិច្ចាគចំនួន៥លានរៀល។

៣/តារាចម្រៀងលោក ខេម បានបរិច្ចាគចំនួន១០លានរៀល។

៤/តារាចម្រៀងកញ្ញា តន់ ចន្ទសីម៉ា បានបរិច្ចាគចំនួន១០លានរៀល។

៥/តារាចម្រៀងលោក ខេមរៈ សិរីមន្ដ បានបរិច្ចាគចំនួន៤លានរៀល។

៧/តារាចម្រៀង សួស វីហ្សា និងស្វាមី បានបរិច្ចាគចំនួន៤លានរៀល។

៨/តារាចម្រៀង នី រតនា និងភរិយា បានបរិច្ចាគចំនួន៤លានរៀល។

៩/តារាសម្ដែង និងជាពិធីការិនី នៅ សូនីតា បរិច្ចាគចំនួន១០០ដុល្លារ។

១០/តារាចម្រៀង ពេជ្រ សូលីកា និងស្វាមី បានបរិច្ចាគចំនួន២លានរៀល។

១១/តារាសម្ដែង ម៉ាក់ សែនសូនីតា និងស្វាមី បានបរិច្ចាគចំនួន២លានរៀល។

១២/ពិធីករលោក ប៉ែន ចំរុង បានបរិច្ចាគចំនួន៤០ម៉ឺនរៀល។

១៣/តារាសម្ដែង អេណា បានបរិច្ចាគចំនួន៤០ម៉ឺនរៀល។