លោក​ ​Otto Barić ​បាន​ទទួល​មរណភាព​ក្នុង​វ័យ​ ​៨៨ ឆ្នាំ​ដោយ​សារ​មិន​អាច​ទ្រាំ​ទ្រ​នឹង​វីរុស​កូវីដ១៩ ​នៅ​ក្នុង​ទីក្រុង​ Zagreb ​ប្រទេស​ក្រូអាត​ ​កាល​ពី​ថ្ងៃ​អាទិត្យ​កន្លង​ទៅ​។ ​លោក​គឺ​ជា​មនុស្ស​ទី ៤ ​បន្ទាប់​ពី​ Diego Maradona, Alejandro Sabella និង Paolo Rossi ដែល​សុទ្ធ​តែ​វីរបុរស​បាល់​ទាត់​និង​ជា​អតីត​គ្រូ​ជម្រើស​ជាតិ​ឆ្នើម​ធ្លាប់​សាង​ស្នាដៃ​រាប់​មិន​អស់​ ​បាន​ទទួល​មរណភាព​កាល​ពី​ចុង​ខែ វិច្ឆិកា និង​ដើម​​ខែ​ធ្នូ​ឆ្នាំ ២០២០ ។

-កាលពីថ្ងៃទី២៥ ខែវិច្ឆិកា ឆ្នាំ​២០២០ អតីតតារាបាល់ទាត់​ពិភពលោករបស់អាហ្សង់ទីន Diego Maradona បាន​ទទួលមរណភាព​ដោយជំងឺគាំងបេះដូងក្នុងវ័យ ៦០ឆ្នាំ។

-កាល​ពី​ថ្ងៃ​ទី ​៩ ខែ​ធ្នូ​ឆ្នាំ ២០២០ ​អតីត​គ្រូ​ជម្រើសជាតិ​អាហ្សង់ទីន​លោក Alejandro Sabella បាន​​ទទួល​មរណភាព​ក្នុង​វ័យ​៦៦​ឆ្នាំ​ដោយ​សារ​ជំងឺ។ Alejandro ចូល​ដឹកនាំ​ជម្រើសជាតិ​អាហ្សង់ទីន​​ពី​ឆ្នាំ​ ២០១១​ ដល់​២០១៤ ជួយ​ក្រុម​ឡើង​ដល់​វគ្គ​ផ្ដាច់ព្រ័ត្រ World Cup 2014 ។

-កាល​ពី​ថ្ងៃ​ទី ១១ ខែ​ធ្នូ​ឆ្នាំ ២០២០ អតីត​កីឡាករ​ឆ្នើម​​អ៊ីតាលី​ លោក Paolo Rossiធ្លាប់​ឈ្នះ​ជើងឯក World Cup ឆ្នាំ​១៩៨២ បាន​ទទួល​មរណភាព​ហើយ​ក្នុង​វ័យ​៦៤​ឆ្នាំ។

​-នៅ​ថ្ងៃ​ទី ១៣ ​ខែ​ធ្នូ​ឆ្នាំ ២០២០ អតីត​គ្រូ​ជម្រើសជាតិ​ក្រូអាត ​ដែល​ដឹក​នាំ​ចន្លោះ​ឆ្នាំ ២០០២ ដល់ ២០០៤ ធ្លាប់​សាង​ស្នាដៃជួយ​ឲ្យ ក្រូអាត​ លេច​ធ្លោ​ក្នុង​ការ​ប្រកួត​ពាន​អន្តរជាតិ​ដូច​ជា Euro និងជម្រុះ​ World Cup ជាដើម។ ប្រភព៖ HNS_CFF