ក្រុមបាល់ទាត់ ភ្នំពេញកាឡាក់ស៊ី គ្រោងនឹងចូលរួមក្នុងពានរង្វាន់សម្ដេចហ៊ុន សែន?

2020-12-14 06:17:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីពេលថ្មីៗនេះ គណកម្មការប្រកួតបាល់ទាត់កម្ពុជា បានប្រកាសចេញនូវសេចក្តីជូនដំណឹងមួយស្ដីពី ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៥ ឆ្នាំ២០២១ (ថ្នាក់ខេត្ត)។

អ្វីដែលគួរចាប់អារម្មណ៍នោះគឺ ក្លឹបបាល់ទាត់ ភ្នំពេញកាឡាក់សុី ក៏បានដាក់ពាក្យចូលរួមរួចរាល់ហើយដែរ។ មកទល់ពេលនេះមិនទាន់មានព័ត៌មានច្រើនអំពីក្លឹបថ្មីថ្មោងនេះទេ តែមានពាក្យចចាមអារ៉ាមថា ក្លិបមួយនេះមានការចូលរួមជ្រោមជ្រែងពី ស្ថាបនិកផលិតកម្ម កាឡាក់សុីណាវ៉ាត់ត្រា។

ក្រុមនេះស្ថិតក្នុងចំណោមក្រុមទាំង ២១ រាជធានី-ខេត្តដែលបានដាក់ពាក្យចូលរួមមាន៖ ខេត្តបាត់ដំបង, ខេត្តកំពង់ឆ្នាំង, ខេត្តសៀមរាប ខេត្តរតនគិរី ខេត្តកំពង់ស្ពឺ ខេត្តកណ្ដាល ខេត្តត្បូងឃ្មុំ ខេត្តកំពត ខេត្តព្រះសីហនុ ខេត្តកែប ខេត្តកោះកុង ខេត្តតាកែវ ខេត្តស្វាយរៀង ខេត្តព្រៃវែង ខេត្តមណ្ឌលគិរី ខេត្តឧត្តរមានជ័យ ខេត្តពោធិ៍សាត់ និង ខេត្តបៃលិន។

យោងតាមសេចក្តីជូនដំណឹងបានឲ្យដឹងថា គណកម្មការបច្ចេកទេស នឹងចុះត្រួតពិនិត្យហេដ្ឋារចនាសម្ព័ន្ធ ទីលានប្រកួត ក្នុងការត្រៀមលក្ខណៈធ្វើជាម្ចាស់ផ្ទះរៀបចំការប្រកួតរបស់ក្រុមដែលបានដាក់ពាក្យចូលរួម ហើយក្រុមដែលបំពេញលក្ខខណ្ឌគ្រប់គ្រាន់អាចមានសិទ្ធចូលរួមបាន។ ក្នុងករណីប្រសិនបើពិនិត្យឃើញថា ទីលានគ្មានលក្ខណៈសម្បត្តិគ្រប់គ្រាន់ និងមិនត្រឹមត្រូវតាមលក្ខណៈបច្ចេកទេសនោះទេ គណៈកម្មការនឹងពិចារណាក្នុងការសម្រេចមិនអនុញ្ញាតឲ្យចូលរួមប្រកួត សម្រាប់រដូវកាលឆ្នាំ ២០២១ ។ សូមអានសេចក្តីជូនដំណឹងខាងក្រោមនេះ ៖