អាយុទើបតែ៣០ស្ដើងទេ តែ Lee Jong Suk មានទ្រព្យសម្បត្តិ៥០លានដុល្លារ

  • 2020-12-15 08:00:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ទោះ​បី​ជា​ទើប​តែ​ឈាន​ជើង​ចូល​សិល្បៈ​បាន​ត្រឹម​តែ ១០​ឆ្នាំ​ក៏​ដោយ តែ​ដោយ​សារ​តែ​ល្បី​ឈ្មោះ​លឿន តារា​សម្ដែងប្រុស​ជួរ​មុខ​កូរ៉េ Lee Jong Suk សន្សំ​លុយ​បាន​​យ៉ាង​ច្រើន​លើសលប់​ទាំង​មាន​វ័យ​ក្មេង​ខ្ចី។ កំពូល​តារា​សម្ដែង​ប្រុស​កូរ៉េ Lee Jong Suk ចាប់​ផ្ដើម​ចូល​បំពេញ​ភារកិច្ច​កង​ទ័ព​ កាល​ពី​ខែ​មីនា ឆ្នាំ២០១៩។

បើ​តាម​ការ​គ្រោង​ទុក នៅ​ខែ​មករា ដើម​ឆ្នាំ​ក្រោយ ប្រុស​ស្អាត​រូប​នេះ នឹង​ចេញ​មក​វិញ។ ទោះ​បី​ជា​មិន​ទាន់​ចេញ​មក​ពី​ជួរ​កង​ទ័ព​ក៏ដោយ តែ​តារា​ប្រុស​រូប​នេះ ត្រូវ​បាន​ផលិតករ​ទទួល​ដៃ​១០ ដោយ​នៅ​ពេល​លោក​ចេញ​មក​វិញ​ភ្លាម លោក​នឹង​សម្ដែង​តួឯក​ក្នុង​ភាពយន្ត​ឈ្មោះ The Witch: Part 2។

យោង​តាម​បណ្ដាញ​ព័ត៌មាន SCMP ប្រុស​ស្អាត​កើត​ឆ្នាំ ១៩៨១​នេះ​ ស្ថិត​ក្នុង​ចំណោម​តារា​ដែល​មាន​តម្លៃ​ខ្ពស់​ជាង​​គេ ដោយ​ក្នុង​រឿង​១​ភាគ លោក​ទទួល​បាន​កម្រៃ​ខ្លួន ៥​ម៉ឺន​ដុល្លារ ពោល​គឺ​ស្មើ​ជាមួយ​នឹង​កំពូល​តារា​សម្ដែង​ប្រុស Song Joong Ki និង Ji Chang Wook។

នៅ​ក្នុង​រឿង​ភាគ​ថ្មី​បំផុត​របស់​ខ្លួន ប្រុស​ស្អាត​នេះ​ទទួល​តម្លៃ​ខ្លួន​សរុប ៨០​ម៉ឺន​ដុល្លារ សម្រាប់​រឿង ១៦​ភាគ។ ប្រភព​ដដែល​បាន​ឲ្យ​ដឹង​ថា ទ្រព្យ​សម្បត្តិ​សរុប​របស់​ប្រុស​ស្អាត​សាច់ស​ខ្ចី​នេះ​គឺ ៥០​លាន​ដុល្លារ។

SCMP បាន​បន្ថែម​ថា ក្រៅ​ពី​ចំណូល​ខ្ពស់​កប់​ពពក​បាន​មក​ពី​ការ​សម្ដែង​រឿង​នោះ Lee Jong Suk គឺ​ជា​សេដ្ឋីអចលនទ្រព្យ​ដ៏​ពិត​ប្រាកដ​ម្នាក់។ ដោយ​កាល​ពី​ឆ្នាំ ២០១៦ លោក​ចំណាយលុយ ៣.៤​លាន​ដុល្លារ ដើម្បី​ទិញ​ផ្ទះ​មួយ​ខ្នង​នៅ Sinsa Dong។ មុន​ពេល​បំពេញ​ភារកិច្ច​កងទ័ព លោក​ទិញ​ផ្ទះ​នៅ​ខុន​ដូ Nine One Hannam ដែល​មាន​តម្លៃ ៤.៣​លាន​ដុល្លារ។ ក្រៅ​ពី​នេះ​ក៏​មាន​អចលនទ្រព្យ​ជា​ច្រើន​កន្លែង​ទៀត ដែល​លោក​មិន​បញ្ចេញ​ជាសាធារណៈ៕

ប្រភព៖ Zing ប្រែ​សម្រួល៖ Caramel

អត្ថបទថ្មី
;